Sequoyah High School quarterback Brayden Scott runs for a first down during the Indians’ first-round playoff game against Sperry on Nov. 13, 2009, at Tahlequah, Okla. Scott has verbally committed to play for the University of Memphis. ARCHIVE PHOTO




ᏓᎵᏆ, ᎣᎦᎵᎰᎻ. (AP) – Brayden Scott ᎤᎪᎲ ᎪᎱᏍᏗ ᎣᏍᏓ ᎢᎬᏩᏛᏗ ᎨᏒᎢ.

ᏕᎭᎷᏱ ᏔᎵᏍᎪ ᏦᎢᏁ, ᎾᎿ ᏏᏉᏲ ᎦᎸᎳᏗ ᏧᎾᏕᎶᏆᏍᏗ ᎩᏄᏙᏗᎣᏂ ᎠᎴᎲᏍᎩ ᏗᏁᎶᎲᏍᎦ ᏚᏃᎯᏎᎸ ᏩᎦᎸᎳᏗᏴ ᏧᎾᏕᎶᏆᏍᏗ Memphis ᎤᏩᏌ ᎧᏁᎬ ᎠᏚᏓᎸᏍᎬ ᏧᏁᎶᏗ ᏍᏆᏞᏍᏗ ᎾᏍᎩᏃ ᏔᎳᏚᏏᏁ ᏓᏍᏆᏛᎢ.

“ᎦᏓᏅᏖᏍᎬᎢ ᎾᏍᎩᎾ ᏔᎵ ᏳᎾᏙᏓᏆᏍᏗ ᏛᏟᎵᎸᏍᏗ ᎠᎴ ᏃᏊ ᎠᎩᎷᏥᏒ ᎠᏆᏚᎵᏍᎬ ᎾᏍᎩ ᏯᏆᏛᏁᏗᎢ,” Scott ᎤᏛᏅ ᏧᎾᏟᏃᎮᏗ ᏂᏓᏳᏓᎴᏅ Austin, ᏅᏓᎩ, ᎾᎿᏂ ᎠᏛᏅᎢᏍᏗᏍᎬ ᏧᏁᎶᏗ ᎾᎿ ᏂᎬᎾᏛ Federation of ᎠᎹᎵᎧ ᏍᏆᏞᏍᏗ ᏗᎾᏁᎶᎲᏍᎩ ᎭᏫᎾᏗᏝ-19 ᎡᎶᎯ ᎤᏂᏍᎦᏎᏗ. ᏗᎾᏁᎶᎲᏍᎩ ᎠᏆᏝᏅᏓᏕᎸ ᎦᏥᏍᏕᎸᏗ Memphis ᎤᎾᏙᏪᎶᏗ ᎾᎿ ᎡᎶᎯ ᏓᏟᎶᏍᏔᏅᎢ. ᏯᏆᏚᎢ ᎾᎿ ᎩᏄᏙᏗᎣᏂ ᎠᎴᎲᏍᎩ ᎠᎩᏍᏕᎵ ᎢᏳᎵᏍᏙᏗᎢ.”

Memphis ᎤᏂᎩᏏᏓ ᏗᏓᎴᎲᏍᎦ Conference USA ᎾᎿ ᎤᏔᎾ ᏗᎧᎸᎬᎢ, ᎾᎿ ᎠᏓᎴᏂᏍᎬ ᎢᎬᏱ ᎤᏕᏘᏴᏓ ᏩᎦᎸᎳᏗᏴ ᏧᎾᏕᎶᏆᏍᏗᎢ.
ᎯᎠ ᏄᎵᏍᏔᏅ ᎤᏙᏓ Ꮭ ᎤᏛᎦᏅ ᏱᎨᏎ ᎠᎴ ᎾᏍᎩᏊ ᎢᎬᏱ ᎦᏙᎩ ᏗᎾᏁᎶᎲᏍᎩ ᏗᏘᏂᏙᎯ ᏏᏉᏲ, Brent Scott, ᎤᏛᏅ  ᎤᏛᎦᏅ ᏄᎵᏍᏔᏅ ᏂᏓᏳᏓᎴᏅ ᎤᏙᏓ.
“ᏃᏊᏃ ᎩᎶ ᏂᏓᏳᏓᎴᏅ ESPN ᏓᏳᏟᏃᎮᎸ,” ᎯᎠ ᏄᏪᏒ.

Brent ᏃᏊ Brayden ᏓᏳᏏᎳᏛᏁᎸ ᎠᎴ ᎾᏍᏊ ᏙᏗᎾᏠᏍᎬ ᏧᏂᎩᎭ ᎠᎴ ᎠᏛᏅᎢᏍᏗᏍᎬ ᎾᎿ Austin ᏍᏆᏞᏍᏗ ᏙᏗᎾᏁᎶᎲᏍᎬᎢ.

Brayden ᎠᏗᏍᎬ ᎤᏏᎳᏛᏁᎴ Vance Vice, ᎾᏍᎩ ᎠᏂTiger’s offensive ᎠᏂᏙᎾᎢ ᏗᏘᏂᏙᎯ ᏗᎨᏲᏂᏙᎯ ᎠᎴ ᏧᏁᎶᏅ ᎤᏩᏌ ᎾᏍᎩ ᎤᏚᏓ, Bill, ᎾᎿ ᏗᏘᏂᏙ ᏥᎨᏒ Bristow, ᎤᏃᏎᏗ ᎾᎿ ᎢᏳᏍᏗ ᏚᏭᎪᏔᏅᎢ.

“ᎣᏍᏗᏯ ᎠᎭᏂ ((Kansas City, Mo., ᎡᎯᏯᎢ Trent Hosick ᏧᏙᎩᏓ) ᎾᏍᏊ ᎤᏚᏓᎸᏅ ᏧᏁᎶᏗ ᎾᎿ Missouri, ᏃᏊᎴ TwitterᎢ ᎤᎩᎸᏁ,” ᎠᏗᏍᎬ BraydenᎢ.

Brent ᎠᏗᏍᎬ ᎤᏍᏆᏂᎪᏒ ᏍᏗᎩᏓ ᎠᏟᎢᎵᏒ ᏅᏗᎦᎵᏍᏙᏗ Nebraska ᎾᏍᏊ ᎤᏴᏢ ᎾᎿ ᎠᎪᏩᏘᏍᎬ Ꭲ, ᎠᏎᏃ Ꮭ ᏙᎯᏳ ᎡᏍᎦ ᏱᏄᏮᏁᎴ ᎾᏍᎩ ᎤᏪᏣ ᎠᏧᏣ ᎣᎪᏛ ᎠᏓᏅᏖᏍᎬ ᎾᏳ Tigers.

“ᎣᎩᏁᏅᏒ ᎾᎿ ᎣᎩᎾᎵᎪᎯ Nike ᎤᎬᏢᏒ ᎤᏁᏓᏍᏗ ᏏᏅᏓ ᎲᎨᏒ ᎠᎴ ᏗᎾᏘᏂᏙᎯ ᎤᏩᏌ ᎤᎾᏟᏃᎮᏔᏅ. ᏂᎦᏓ ᏄᏅᎾᏅ ᎤᏙᏢᏒ ᎤᎪᎵᏰᎢᏙᎸ, ᏧᏂᎸᏫᏍᏓᏁ ᏧᏂᏴᏍᏗ, ᎤᎾᎵᏏᎾᎲᏍᏙᏗ ᎧᏅᏑᎸ ᎠᎴ ᏚᏠᏃᎮᏔᏅ ᎦᏲᏟ ᎠᎴ ᎤᏄᎪᏨ ᎦᎸᏉᏗᏍᎬ ᏄᏍᏛ ᎤᎪᎲᎢ,” ᎠᏗᏍᎬ Brent. “ᏦᏍᏓᏟᏃᎲᎵ ᎪᎯ ᎢᏒ ᎧᏃᎮᏍᎬ ᎦᎸᏉᏗᏍᎬ ᏂᎦᏓ ᏄᏅᎾᏅ ᎢᏤ ᏩᎪᏩᏛᏗ ᎠᎴ ᎠᎾᏖᎸᏗ ᎾᎿ ᎤᏔᎾ ᏗᎧᎸᎬ ᎢᏗᏜ.”
Brayden ᎠᎨᎸ ᎾᎿ Rivals.com ᏄᎾᏛᏅ ᎦᎸᎳᏗ ᎯᏍᎩᏦᏁ ᎾᏂᎥ quarterbacks ᎠᏁᎲᎢ. ᎾᏍᎩᎾ ᏦᎢ ᎢᏗᏁᎶᏗ ᎨᏒ ᎾᎿ ᏏᏉᏲᎢ. Scott ᎤᏗᎾ ᎯᏍᎩ ᏯᎦᏴᎵ ᏅᎩᏧᏈ ᏔᎵᏍᎪ ᏦᎢ ᎢᏯᎳᏏᏓ ᎠᎴ ᏑᏓᎵᏍᎪ ᏅᎩ ᎢᏳᏅᏅ.

ᎾᎿ ᎢᏤ Memphis ᏧᏂᎧᎾᏩᏛᏍᏗ ᎤᎪᏓ ᏗᎦᏂᏴᏗ ᎣᎦᎵᎰᎻ ᏂᏚᏍᏛᎢ. ᎢᎬᏱ ᎤᏕᏘᏴᏌᏗᏍᏒ ᎢᎬᏱ ᎦᏙᎩ ᏗᏘᏂᏙᎯ Justin Fuente ᎾᏍᎩ ᏔᎳᏏ ᎤᏛᏒ, ᎾᏍᎩᎾ ᏔᎵ ᏯᎦᏴᎵ ᏌᏚ ᏂᎨᏒ co-offensive ᎧᏁᏥᏙ ᎾᎿ TCU. ᎾᏍᎩ quarterbacks ᎧᏁᏥᏙ ᎡᏙᎲ, Brad Cornelsen, ᎨᏒ Kenny Evans’ offensive ᎧᏁᏥᏙ ᎤᏴᏢᎧᎸᎬ ᏍᎦᏚᎩ ᏩᎦᎸᎳᏗᏴ ᏧᎾᏕᎶᏆᏍᏗ ᎾᎿ ᏓᎵᏆ.

“ᏥᎪᏩᏛᏗ ᎨᏒ (Cornelson) ᎤᎪᏗ ᎾᎿ NSU ᏥᏕᎦᏕᎶᏆᏍᎬ. ᏥᏲᎵᎦ ᏄᎵᏍᏔᏅ ᏗᏘᏂᏙ Fluentes, ᎠᏗᏍᎬ  Brayden. “ ᎦᏳᎳ ᏧᏍᏕᎸᏓ ᎾᎿ TCU ᎾᎿ ᎨᎪᏪᎶᏗᎢ. ᎤᎪᏓ ᎾᎦᏛᏁᎵ ᎾᎿ Andy DaltonᎢ. ᎠᏉᎯᏳᏎᏍᏗ ᎾᏍᎩᏍᏊ ᎤᏠᏯ ᏯᏆᏛᏁᏗᎢ.”
ᏗᏓᏁᏣᎸᏊ Ꮭ ᎤᏟᏂᎩᏓ ᏱᎩ. ᎬᎾᏕᎾ ᏧᏃᏪᎶᏗ ᎢᎦ ᎧᎦᎵ ᎨᏎᏍᏗ.