ᏓᎵᏆ, ᎣᎦᎵᎰᎻ. – ᏣᎳᎩ ᎠᏰᎵ ᎠᏂᏴᎳᏯ ᏗᏂᏲᏟ ᏗᏂᏍᏕᎵᏍᎩ ᏚᎾᏛᏛᎾ ᎠᏂᏏᏴᏫ ᎾᏁᎵᏍᎬ ᎾᎿ ᏗᏂᏲᏟ ᏧᎾᎦᏎᏍᏙᏗ, ᎠᎴ  ᏧᏂᏯᏅᏗ ᏗᏂᏲᏟ ᏍᏗᎢ ᎤᏁᏉᏣ ᏑᏕᏘᏴᏓ ᏂᏓᎬᎴᏂᏍᎩ, ᎠᏎᏃ ᎠᏟᎥᎵᏐ ᎤᎪᏓ ᎤᏚᎵᏓ ᎨᏒ ᎾᏍᎩ ᎤᎪᏙᎯᏍᏗ ᏏᏓᏁᎸ ᏗᎬᏩᏂᏯᏅᏗ ᏱᎩ ᏗᏂᏲᏟ.

“ᏂᏓᏳᏓᎴᏅᏓ ᏧᏰᏉᏂ ᏔᎵ ᏯᎦᏴᎵ ᏌᏚ ᎤᏕᏘᏴᏌᏗᏒ ᎾᎿ ᏕᎭᎷᏱ ᏔᎵ ᏯᎦᏴᎵ ᏔᎳᏚ ᎤᏕᏘᏴᏌᏗᏒ ᎾᏍᎩᎾ ᎠᏎᎸ ᏅᎩᏍᎪ ᏦᎢ percent ᎤᏁᏉᏨ ᎾᎿ ᎪᏪᎵ ᏗᎧᎵᏏᏐᏗ ᏗᎧᎵᏏᏌᏅ ᏕᎦᎷᎬ ᎠᎴ ᏏᏅᏓ Ꮭ Ꮟ ᎤᎵᏍᏆᏛ ᏱᎩ,” ᎠᏗᏍᎬ ICW ᎤᏤᎵᏓ ᏧᎸᏫᏍᏓᏁᎯ Nancie Ross.

Ross ᎠᏗᏍᎬ ᎾᏍᎩᎾ ICW ᎠᏁᎸᏗ ᎯᎠ ᏗᏂᏃᏣᏢᏍᎩ ᎾᏍᎩ ᏚᏁᏅᏒ ᎢᎬᏩᎵᏍᏙᏗ ᎠᏂᏣᎳᎩ ᏗᏂᏲᏟ ᎤᎧᏛᎪᏪᎵ ᎤᎦᏅᏓᏛ, ᎾᏍᎩ ᎤᏂᎩᏒ ᎠᏅᏱ ᏧᏁᎵᏁ.

“ᎤᎧᏛᎪᏪᎵ ᎠᏁᎳ ᎡᎵᏊ ᎬᏩᏁᏅᏍᏓ ᎾᏍᎩ ᏚᏁᏅᏒ ᎾᎿ ᎠᏂᏣᎳᎩ ᏗᏂᏲᏟ ᎤᎧᏛᎪᏪᎵ ᎤᎦᏅᏓᏛ, ᎾᏍᎩᎾ ᏂᎦᏓ ᎤᏂᎪᏩᏛᏗ ᎤᎦᏅᏓᏛ ᎠᎴ ᏯᏅᏐᏅᏍᏔᏂ ᎾᎿ ᎠᎧᏂ. ᎠᎾᎵᏍᏓᏩᏗᏙ ᎾᏍᎩᎾ ᎤᏂᎸᏉᏛ ᎤᎦᏅᏓᏛ ᏯᏂᎦ ᏗᎨᏛᏍᏓ ᎤᏃᏢᏅ ᎾᎿ ᎤᎧᏛᎪᏪᎵ ᎤᎦᏅᏓᏛ ᎠᎴ ᎬᏩᏂᏃᎮᏓ ᏕᎨᏛᎢ,” ᎠᏗᏍᎬ Ross. “ᎾᏍᎩᎾ ᎨᏛ ᎪᏢᏅ ᎾᎿ ᎤᎧᏛᎪᏪᎵ ᎤᎦᏅᏓᏛ ᎧᏃᎮᏍᎩ ᎾᏍᎩᎾ ᏗᏂᏲᏟ ᏓᎾᎦᏎᏍᏗᏍᎪ ᎠᎴ ᏧᏂᏯᏅᏓ ᎤᎾᏙᏢᎯ ᎤᎦᎵᏍᏗ ᎧᏕᎬ.”

ᎤᏛᏅ ᎤᎦᏅᏓᏛ ᎾᏍᎩ ᏗᎪᏪᎵ  ᎫᏓᎸᎢ ᎾᎿ www.cherokeekids.org ᎠᏏᎳᏕᏫᏒ  ᎾᏍᎩ ᎤᎪᏛ ᎧᏃᎮᏍᎩ ᎾᎿ ᎤᏙᏢᏒ, ᎾᏍᎩ ᏯᏛᏅ ᎾᎿ ᎠᏏᎳᏕᏫ ᎠᏓᏛᏗ ᎾᏍᎩ ᎤᎵᏍᎬᏓ ᎢᏳᏅᎾ ᎾᏍᎩ ᎬᏩᏂᏴᏍᏗ ᎠᏂᎳᏕᏫᏒᎢ.

“ᎾᏍᎩᎾ ᏓᏏᎳᏕᏫᏒ ᎧᏃᎮᏗ ᎠᏂᎩᏍᎦ ᏗᏑᏰᏓ ᎠᏂᏴᏫᏯ ᏗᏂᏲᏟ ᏗᏂᏍᏕᎵᏍᎩ ᏧᏂᎸᏫᏍᏓᏁᎯ, ᎾᏍᎩᎾ ᏗᎾᏛᎪᏗᏍᎩ ᎾᏍᎩᎾ ᎤᎵᏍᎬᏓ ᎤᏂᏰᎸᎭ,” ᎠᏗᏍᎬ Ross.

ICW ᎤᏙᎯᏳᏔᏅ ᎪᏪᎵ ᎤᏂᎾᎢ ᎾᎿ ᎠᏁᎯᏯ ᎠᎹᎵᎧ ᏏᏓᏁᎸ ᎣᎦᎵᎰᎻ ᎠᎴ ᎤᏜᏗᏢ ᏗᏍᎦᏚᎩ ᏚᏙᏢᏒ ᎾᏍᎩ ᎤᎾᏛᏅᏫᏍᏓ ᎤᏂᏍᏕᎸᏗ ᎠᏲᏟ ᎤᏂᏍᏆᏂᎪᏙᏗ ᎾᎿ ᏣᎳᎩᎯ ᎠᏰᎵ.