CNB ᏛᏍᎪᎸᏗ ᏣᎳᎩ ᏧᏂᏒᏍᏗ ᎪᏢᏒᎢ
9/21/2012 8:39:38 AM
English
 
The Cherokee Inn, which sits next to the Hard Rock Hotel & Casino Tulsa, is to be demolished at a later date because officials said it’s no longer cost feasible to operate it. Cherokee Nation Entertainment records state that CNE purchased the motel for $2.8 million in April 2006. TESINA JACKSON/CHEROKEE PHOENIX
The Cherokee Inn, which sits next to the Hard Rock Hotel & Casino Tulsa, is to be demolished at a later date because officials said it’s no longer cost feasible to operate it. Cherokee Nation Entertainment records state that CNE purchased the motel for $2.8 million in April 2006. TESINA JACKSON/CHEROKEE PHOENIX
ᎦᏚᏏ, ᎣᎦᎵᎰᎹ.– ᏣᎳᎩ ᎠᏰᎵ ᎠᏕᎳ ᎠᏙᏢᏍᎩ ᎤᏩᏙᏢᏒ ᎠᏂᏁᏥᏙ ᏚᏄᎪᏔᎾ ᎤᏂᏲᏍᏙᏗ ᎯᎠ ᏣᎳᎩ ᏧᏂᏒᏍᏗ ᎾᎿ ᎾᎥ ᏣᏓᏁᎵ ᏍᏓᏯ ᏅᏯ ᏧᏂᏒᏍᏗ ᎠᎴ ᏧᏂᏆᏂᎬᏲᏍᏗ ᏔᎳᏏᎢ, ᎠᎾᏗᏍᎬ ᏝᏃ ᏓᎵᎬᏩᏢᏍᎬ ᏱᎠᏙᏢᏍᎦ ᎬᏔᏂᏓᏍᏗ. “ᏚᎫᎪᏔᏅ ᎢᎬᏱ ᏦᎩᏩᏒ ᎯᎠ ᎦᏙ ᎾᏍᎩ ᎢᎸᏢ ᎠᏟᎢᎵᏏ ᎠᏎ ᎠᏲᏍᏙᏗ ᎨᏎᏍᏗ ᎠᎴ ᏙᏆᎴᎷ ᏗᏗ ᏱᏂᏛᎣ ᎡᎵᏏ ᎨᏒ,” CNB ᏝᎦ ᎠᎴᎲᏍᎦ CEO Shawn Slaton ᎤᏛᏅᎢ. ᎤᏛᏅᏃ ᏧᎬᏩᎶᏗ ᏂᎦᎵᏍᏔᏂᏙᎲ ᏧᎸᏫᏍᏓᏁᎯ ᎬᏂᎨᏒ ᏄᏩᏁᎸ ᎾᏍᎩ ᎠᏍᏆᎵᎲ ᎯᎠ ᏧᏂᏏᏍᏗ ᎠᏲᏍᏙᏗ ᏃᏊ ᏙᏆᎴᎷ ᏗᏗ ᎪᏢᏗᎢ. “ᎾᎿ ᏧᏂᏒᏍᏗ ᎢᎦ ᎣᏍᏓ ᎢᎬᏁᎵᏓᏍᏗ ᎾᎿ ᏕᎧᏅᏑᎸ ᎠᎴ ᏧᏓᎴᏅᏓ ᏂᎦᎥ ᎠᏲᏥᏙᎲ ᎣᏍᏓ ᎢᎬᏗᎢ, ᎠᎴ ᏙᎯᏳ ᏓᏤᏟᏊ ᎾᎿ ᎠᏕᎳ ᎠᏙᏢᏍᎩ ᎨᏒ ᏃᏊᏃ Ꮭ ᎾᏍᎩ ᏱᏄᏍᏕ ᏃᏊ ᏙᎫᎪᏔᏅ ᎠᏲᏍᏙᏗᎢ,” ᎤᏛᏅ Slaton. ᎾᎯᏳᏃ ᏣᎳᎩ ᎠᏰᎵ ᏴᏫ ᎬᏩᏂᏍᏆᏂᎪᎯᏍᏗ ᎠᎾᏓᏅᏖᎵᏙ ᏧᏂᎸᏫᏍᏓᏁᎯᎨ ᏧᏂᏩᏒ ᎯᎠ ᏧᏂᏒᏍᏗ ᎾᎿ ᏔᎵ ᏯᎦᏴᎵ ᏑᏓᎵ ᎤᏕᏘᏴᏌᏗᏒ, ᎦᏲᏟ ᎣᏍᏓ ᎢᎬᏗ ᎨᏒ ᎾᎯᏳ ᎾᎿ ᏍᎪᎯᏧᏈ ᏦᎦᏚ ᏕᎧᏅᏑᎸᎢ. ᎠᏎᏍᎩᏂ, Slaton ᎤᏛᏅ Ꮭ ᏳᏅᏖ ᎢᏴ ᎣᏍᏓ ᏄᏅᏁᎸᎢ. ᎤᏁᏉᎥ ᎾᎿ ᏧᎬᏩᎶᏗ ᏂᎦᎵᏍᏔᏂᏙᎲ ᏧᎸᏫᏍᏓᏁᎯ Ꮭ ᏳᏃᎲᏢ ᎢᎦ ᏧᎵᎬᏩᎶᏗ ᎯᎠ ᎣᏍᏓ ᎢᎬᏗᎢ. Slaton ᎤᏛᏅ ᏴᏫ ᏚᏂᏒᎯᎲ ᎠᎲᏂ ᎾᏍᏊ ᏗᏐᎢ ᎾᏁᎵᏍᎬ ᏯᏛᎾ La Quinta ᎠᎴ Hampton inns, ᎾᏍᎩ ᎤᎵᏗᏢ ᏚᎾᏓᏁᎵ ᎾᏃ ᏍᏓᏯ ᏅᏯ ᏧᏂᏒᏍᏗ ᎠᎴ ᏧᏂᏆᏂᏲᏍᏗ. ᎤᏁᏉᎥ ᎾᏍᎩ ᎧᏃᎮᏍᎬ ᎾᏍᎩ ᎾᏞᎬ ᏍᎪᎯᏧᏈ ᏙᏛᏂᏅᏑᎳᏂ ᎾᎿ ᏍᏓᏯ ᏅᏯ ᏧᏂᏑᏍᏗ ᏂᎦᏓ ᎨᏒ ᏃᏊ ᏅᎩᏧᏈ ᎯᎦᏍᎪ ᏑᏓᎵ ᏕᎧᏅᏑᎴᏍᏗ ᎠᎴ ᏛᏣᎵᎠᏊ ᎠᏕᎳ ᎣᏍᏓ ᎢᎬᏁ ᎯᎠ ᎠᏓᏁᎸᎢ ᎣᎨᎵᏒᎢ. ᎾᏍᎩᎾ ᏗᎧᏁᏉᎥ ᎾᏍᎩ ᏍᎪᎯᏧᏈ ᏦᏌᏂ ᏕᎧᏅᏕᎸ ᎾᎿ ᎢᏤ ᎢᎾ ᎢᎦᏘ ᎠᏓᏁᎸ,ᏐᎢᏃ ᏔᎵ ᏗᏤ ᏧᏂᏒᏍᏗ ᎤᏠᏯᏊ ᏧᎬᏩᎶᏗ ᎾᏍᎩ ᎡᎳᏗ ᎠᏂᎩᏍᏓᏊ ᎢᏴ, ᏗᏄᎪᏔᏂᏙ ᎤᏂᏁᏨ ᎠᏍᏆᎵᏍᎬ ᎠᏂᎩᏍᏗᏊ ᎾᏍᎩ ᏕᎫᎪᏔᏅ ᎾᎿ ᎤᎪᏓ ᎧᏂᎬᎬ ᏙᏆᎴᎷ ᏧᏂᏗᎢ,” ᎤᏛᏅ Slaton. ᏙᎯᏳᎢ, ᎾᏍᎩ ᏣᎳᎩ ᏧᏂᏒᏍᏗ ᎯᏍᎩ ᏧᏂᎸᏫᏍᏓᏁᎯ ᎨᏒ ᎾᏃ ᏍᏓᏱ ᏅᏯ ᏗᎪᏢᏒ ᏂᏙᏛᏅᏅᏔᏂ ᎾᎥᏊ, ᎤᏛᏅᎢ. Slaton ᎤᏛᏅᎢ ᏧᏂᎬᏩᎶᏙᏗ ᏓᏳᏂᏯᎵ Ꮟ ᏅᏓᏕᎦᏆ ᏄᎧᎸᏨᎾ ᏙᎯᏳ ᎢᎦ ᏧᎵᎬᏩᎶᏗ ᎾᏍᎩ ᎠᎾᏁᏍᎦᏬᏅᏗᏍᎬᎢ. “ᎬᏂᎨᏒ ᏂᏓᏲᏨᏁᎵ ᎾᏍᎩ ᎢᏳᏍᏗ ᎠᎴ ᎣᎦᏚᎵᏍᎬ ᎩᎶᏃ ᎠᎪᎲ ᏛᎪᎵᏱᎢᏙᎳ ᎠᎦᏔᎯ ᎾᏍᎩ ᎢᏳᏍᏗ,” ᎤᏛᏅᎢ. ᎾᏍᎩᏃ ᎠᏟᎢᎵᏒᎢ ᎠᏍᏆᎶᎦ, ᎠᎾᏓᏅᏖᎵᏙ ᏝᏏ ᏧᏄᎪᏔᏅ ᎢᏴ ᎤᏂᏲᏍᏙᏗᎢ. Slaton ᎤᏛᏅ CNE ᎤᏩᏒ Ꮎ ᏧᏂᏒᏍᏗ ᎯᎠ ᎢᎦ ᏧᎬᏩᎶᏗ ᎨᏒ 2.8 ᎢᏳᏆᏗᏅᏓ ᎾᏍᎩ Ꮟ ᏧᏠᏯᏍᏛ ᏧᏁᎳ ᎪᏪᎳ ᏧᏂᏒᏍᏗ ᎤᎾᏓᏎᏅᏓ. ᏂᏕᎬᏅᏃ CNB ᏧᎵᏍᎨᏓ ᎪᏪᎵ ᏚᏂᏁᎥ, ᏣᎳᎩ ᏧᏂᏒᏍᏗ ᎾᏍᎩ ᎤᏓᎯᎸ ᏣᎳᎩ ᏧᏂᏒᏍᏗ LLC, ᎠᏂᎳᏍᏓᏢ ᎠᏎᎸᏊ ᎢᎦᎥ ᎤᎾᏙᏢ ᎭᏫᏓᏗᏝ CNE ᎾᏍᎩ ᎤᏤᎵ ᎠᎴ ᎤᏂᎩᏍᏗᏗᏒ ᏧᏂᏒᏍᏗ ᎠᎴ ᎾᎿ RolandᎢᎯ.
Terms of Service and Privacy Policy