ᎦᎴᎼᎢ, ᎣᎦᎵᎰᎹM – ᎾᏍᎩ ᏦᎢᏁ ᎤᏕᏘᏴᏌᏗ ᎠᏍᏆᎵ ᏧᎾᏟᎶᏍᏔᏅᏅ ᎾᎿᎢ ᎦᏚᏏ ᏛᏍᏆᎸᎯ ᎠᎪᏩᏛᏗ ᎣᏌᏂ ᏧᎾᏟᎶᏍᏔᏅᏅ ᎠᏌᏍᏛ ᎤᎾᏓᎪᏅᏔᏅ, ᏗᎾᏟᎶᏍᏔᏅᎲᏍᎩ ᏓᎾᏎᎮᎲᎢ ᏧᎾᏟᎶᏍᏔᏅᎲᏍᏗᎢ, ᎠᎵᏍᏓᏴᏗ, ᏓᏂᏃᎩᏍᏗᏍᎬᏍᏗ ᎠᎴ ᏏᏓᏁᎸ ᎬᏩᏁᏓᏍᏗ ᏚᎵᏍᏗ ᏔᎵᏍᎪ ᏧᏁᎵᏁ ᎠᎴ ᏔᎵᏍᎪ ᏐᏁᎵᏁ ᎾᎿ ᎳᏥ ᏍᎦᏚᎩ ᏩᎦᎸᎳᏗᏴ ᏧᎾᏕᎶᏆᏍᏗᎢ.

ᎯᎠ ᎠᏍᏆᎵᏍᎬᎢ ᏛᎴᏅᎯ ᎢᎦ ᎾᎿ ᏑᏓᎵ ᏒᎯᏱᏯ ᎢᎪᎯᏓ ᏔᎵᏍᎪ ᏧᏁᎵᏁᎢ, ᎠᎴ ᎤᎩᏨᏓ ᏍᎪᎯ ᏌᎾᎴ ᎠᎴ ᏑᏓᎵ ᏒᎯᏱᏯ ᎢᎪᎯᏓ ᏚᎵᏍᏗ ᏔᎵᏍᎪ ᏐᏁᎵᏁᎢ  ᎾᎿ RSU campus. ᎯᎠ ᎠᏍᏆᎵᏍᎬ ᎠᏎᏊ ᎠᎴ ᎠᏍᏚᎢᏓ ᎾᏂᎥᏊ.

“ᏗᎾᏟᎶᏍᏔᏅᎯᏍᎩ ᎾᎿ ᎦᏚᏏ ᎾᏍᎩ ᎣᏍᏓ ᎨᏎᏍᏗ ᎡᏓᏍᏗ ᎾᎥ ᏗᏂᏂᏁᎸ ᎤᏁᏗᏍᏓ ᎤᏂᎪᎵᏰᏗ ᏧᎾᏟᎶᏍᏔᏅᏅ ᎠᎴ ᏓᏂᏃᎩᏍᏗᏍᎬ ᎤᏂᎪᏩᏛᏗ ᎤᏬᏚᏒᎢ ᎠᎭᏂ Campus,” ᎠᏗᏍᎬ RSU ᎢᎬᏱ ᎦᏙᎩ ᎠᎨᏯ Peggy Rice, ᎾᏍᎩ ᎧᏁᏥᏙ ᏓᏆᎸᎯᏙᎲ ᎠᎧᎺᏗ ᎦᏍᎩᎸ ᎤᏬᏢ ᎠᎨᏯ.

ᎤᎾᏙᏢᏔᏅ ᎾᏳ ᎦᎸᎳᏗ ᏧᎾᏕᎶᏆᏍᏗ ᎠᎴ ᎠᎧᎺᏗ ᎾᎿ ᎠᎾᎵᏍᎪᎸᏗᏍᎩ ᏧᏂᎸᏫᏍᏓᏁᏗᎢ, ᎾᎿ ᏧᎾᏟᎶᏍᏔᏅᏅ ᎬᏂᎨᏒ ᎾᏅᏁᎲ ᎠᎴ ᎤᏂᏍᎪᎸᏛᎢ ᎯᎠ ᏧᏕᏘᏴᏌᏗ ᎤᏂᎲᏒ ᎾᎿ ᎤᎵᏍᎪᎲᏍᏗ ᏭᏂᏅ ᏓᏤᏢ ᎬᏩᏁᏓᏍᏗ ᎦᎸᎳᏗ ᏗᎾᏕᎶᏆᏍᎩ ᎠᎴ ᏩᎦᎸᎳᏗᏴ ᏗᎾᏕᎶᏆᏍᎩ ᎤᏁᏓᏍᏗᎢ.

ᎤᏙᏢᏅ ᎾᎿ ᎯᎠ ᎠᏍᏆᎵᏍᎬᎢ ᏧᎾᏕᎶᏆᏍᏙᏗ ᎾᎿ RSU ᎣᏌᏂ ᏗᎾᏟᎶᏍᏔᏅᎲᏍᎩ ᏧᎾᏕᎶᏆᏍᏗᎢ. ᎾᎿ ᏔᎵ ᏯᎦᏴᎵ ᏌᏚ ᏧᏕᏘᏴᏌᏗᏒ, ᏂᏓᏳᏓᎴᏅ ᏗᎾᏟᎶᏍᏔᏅᎲᏍᎩ ᎦᏚᏏ ᎤᏂᏍᏕᎸᎲ Leonard ᎠᎴ Kathy Szopinski, ᏦᎢ ᏌᏊ ᏯᎦᏴᎵ “ᎡᎵᏊ ᎤᎾᎵᏍᏕᎸᏙᏗ ᏗᎾᏕᎶᏆᏍᎩ” ᏚᏂᏅᏁᎸ ᎾᎿ ᎠᏁᎦ ᎠᎴ ᎠᏂᎷᎩ RSU ᏗᎾᏕᎶᏆᏍᎩ.

ᏧᎾᏟᎶᏍᏔᏅᏅ ᏧᏓᎴᏅᏓ ᏂᏙᏓᏳᏂᎩᏓ ᏗᎾᏟᎶᏍᏔᏅᎲᏍᎩ ᎤᏴᏢᎧᎸᎬ ᎢᏗᏢ ᎣᎦᎵᎰᎹ ᎾᏍᎩ ᎬᏂᎨᏒ ᏄᏅᏁᏍᏗ ᎦᎵᏦᏛ ᎾᎿ campus ᎣᏂ ᎤᏙᏢᏒᎢ ᎾᎿ ᏓᏁᏙᎮᏍᏗ. ᏂᎦᏓ ᎤᏃᏢᏅᏅ ᎠᏍᎪᎸᏕᏍᏗ.

ᎠᏂᏏᏴᏫᎭ ᏗᏄᎪᏗᏍᎩ ᎾᎿ ᏗᏟᎶᏍᏔᏅᏅ ᎯᎠ ᎠᏍᏆᎵᏍᎬᎢ, ᎠᎴ ᏓᎾᎵᎮᎵᏍᏗᏍᎬ ᎬᏂᎨᏒ ᎢᏳᏅᏓ ᏚᏍᏆᎸᎯ, ᎠᏗᏍᎬ Gary Moeller, RSU ᏗᎾᏟᎶᏍᏔᏅᎲᏍᎩ ᏄᎬᏫᏳᏒ ᎠᎴ ᏓᎵᏒᏍᏔᏂᏙᎲ ᎠᎧᎺᏗ ᎦᏍᎩᎸ ᎤᏬᏢ.

ᎯᎠ ᏥᏛᏍᏆᎸᎯ ᎾᏍᏊ ᎠᏎᏊ ᏓᎾᏟᎶᏍᏔᏅᎲᏍᎬᏍᏗ ᏗᏂᏲᏟ, ᏙᏧᏁᏅᏒ ᏧᏂᎾᏫᏗ” ᎪᎱᏍᏗ ᎤᎾᏁᏗ ᏗᏂᏲᏟ ᎤᏙᏢᏎᏍᏗ ᎯᎳᏊᏍ ᏳᏕᏘᏴᏓ ᏱᎩ, ᎤᏂᎫᏍᏛᏅ ᎾᎿ RSU ᏗᏓᏕᎶᏆᏍᎩ ᏓᎾᏟᎶᏍᏔᏅᎲᏍᎩ ᎤᎾᏓᏡᎬᎢ.

ᏓᏂᏃᎩᏍᏗᏍᎨᏍᏗ ᎾᏍᎩ ᏔᎵ ᎢᎦ ᎠᏍᏆᎵᏍᎬᎢ, ᎾᏍᎩ RSU ᏗᏂᏃᎩᏍᏗᏍᎩ ᎤᎾᏙᏢᎬ, ᎾᎥ ᏗᏁᎯ jazz ᏗᏂᏃᎩᏍᏗᏍᎩ ᎠᎴ ᎾᎥ ᏗᏁᎯ ᏗᏂᏃᎩᏍᏗᏍᎩ. ᎠᎴ ᎾᎿ RSU ᎠᎾᏛᏁᎵᏍᎩ ᎤᎾᏙᏢᎯ ᎾᏍᎩ ᎬᎪᏎᎸ ᏍᎪᎯ ᏳᏔᏬᏍᏔᏅ ᎤᎾᏛᏁᎶᏗᎢ ᎯᎠ ᎠᏍᏆᎵᏍᎬᎢ.

ᎤᎪᏛ ᎧᏃᎮᏢᏍᎩᏲᏚᎵᎭ ᎠᎴ ᎪᏪᎶᏗ ᏲᏚᎵᎭ ᎾᎿ ᎬᎳᏗᏓᏍᏗ ᏗᎾᏟᎶᏍᏔᏅᎲᏍᎬ ᎠᏍᏆᎵᏍᎬᎢ, ᎠᎭᏂ ᏣᎪᏛᏗ www.rsu.edu/artonthehill ᎠᎴ ᎯᎠ ᏫᏂᎶᎮᏙᏓ 918-343-7744.