NSU to host 2017 Inter-Tribal Language Summit

BY STAFF REPORTS
02/27/2017 12:00 PM
TAHLEQUAH, Okla. – The Inter-Tribal Council of the Five Civilized Tribes Language Committee will be hosting a two-day Language Summit April 12-13 at Northeastern State University.

The summit will run concurrently with NSU’s annual Symposium of the American Indian. The summit’s theme is “Breaking the Inhibitions” and topics will focus on overcoming inhibitions that stand in the way of successful language learning among tribal communities, challenges of creating adequate social spaces for language learners and dealing with generational trauma caused by government policies that suppressed Indigenous languages.

The keynote speaker for the summit will be Dr. Colleen Fitzgerald, professor of linguistics at the University of Texas at Arlington and National Science Foundation Program Director for Documenting Endangered Languages.

Entry to all summit sessions is free and open to the public. However, due to limited seating, attendance for the keynote luncheon will be capped at 70 attendees. Tickets are required for entry to the keynote. Tickets will be $20 each and include a BBQ buffet meal.

Melanie Frye, Seminole Nation language education specialist and president of the Inter-Tribal Council Language Committee, said she encourages all who can to attend.

“Our languages are the sacredness that holds our cultures together and helps the cultures and peoples flourish. Our languages allowed us to converse with one another, govern ourselves, perform our ceremonies and teach our youth. The peoples of each tribal nation are meant to be the caretakers of their language and culture. We all need to work as a collective in order to find ways to save our languages. We are coming together to share our ideas and to learn more ways to fight language loss amongst our respective nations. We would like for you all to join us at the 2017 Inter-Tribal Council Language Summit,” Frye said.

For more information, email Teresa Workman, Chickasaw Nation language manager, at teresa.workman@chickasaw.net or Melanie Frye at frye.m@sno-nsn.gov.

A flier and registration form for the summit may be downloaded at www.fivecivilizedtribes.org.

Make checks payable to “ITC Language.” Bring the registration forms and checks to the first day of the summit. Receipts will be provided.
ᏣᎳᎩ

ᏓᎵᏆ, ᎣᎦᎳᎰᎹ. – ᎾᏍᎩᏃ ᏓᏂᏍᏓᏢᎢ ᏗᏂᎳᏫᎩ ᎾᏍᎩ ᎯᏍᎩ ᎢᏯᏂᎢ ᎤᎾᏓᏅᏘ ᏓᏂᏍᏓᏢᎢ ᏂᏓᏳᎾᏓᎴᏅᎢ ᎦᏬᏂᎯᏍᏗ ᎠᎾᎵᏏᏅᏗᏍᎩ ᎤᎾᏓᏡᎩ ᎾᏍᎩᏃ ᎤᏂᏍᏆᎸᎡᎮᏍᏗ ᏔᎵ ᎢᎦ ᏱᎪᎯᏓ ᎦᏬᏂᎯᏍᏗ ᏳᏰᏟᏗ ᏓᎾᏠᏍᎨᏍᏗ ᎧᏬᏂ 12-17 ᎧᎴᏍᏗ ᎥᎿᎾᏂ ᎤᏴᏢᎢ ᎧᎸᎬᎢ ᏩᎦᎸᎳᏗᏴᎢ ᏧᎾᏕᎶᏆᏍᏗᎢ.

ᎾᏍᎩᏃ Ꮎ ᏓᎾᏠᏍᎬᎢ ᎢᏧᎳᎭᎢ ᏓᎢᏎᏍᏗ ᎾᏍᎩ NSU’s ᏑᏕᏘᏴᏓ ᏳᏓᎵ ᏥᏓᎾᏠᏍᎪᎢ ᎾᏍᎩ ᎠᎹᏰᎵ ᎠᏁᎯ ᎠᏂᏴᏫᏯ. ᎾᏍᎩᏃ ᏓᎾᏠᏍᎬᎢ ᏕᎦᏃᏣᏢᎢ ᎾᏍᎩ ᎢᎨᏎᏍᏗ “ᎠᏲᏍᏗᏍᎬᎢ ᎠᎾᏕᎰᏍᎬᎢ” ᎠᎴ ᏂᎦᎵᏍᏔᏅᏍᎬᎢ ᎠᎾᎦᏎᏍᏗᏍᎨᏍᏗ ᎾᏍᎩᏃ ᎠᎾᏓᎵᏁᎯᏗᏍᎬᎢ ᎾᏍᎩ ᎠᎾᏕᎰᏍᎬᎢ ᎾᏍᎩ ᏥᎩ ᎢᎬᏱᏗᏢ ᏥᏂᎦᎵᏍᏗᏍᎪᎢ ᎾᏍᎩ ᎤᎾᏕᎶᏆᏍᏗᎢ ᎤᏂᏬᏂᎯᏍᏗᎢ ᎥᎿᎾᏂ ᏓᏂᏍᏓᏢᎢ ᏍᎦᏚᎩ ᏚᏙᏢᏩᏗᏒᎢ, ᎠᏓᏁᏄᎸᏗ ᎤᏙᏢᏅᏗᎢ ᎣᏍᏓ ᏧᎾᏟᏃᎮᏗᎢ ᎠᏟᏅᏓᏗᎠ ᎧᏁᎢᏍᏗ ᎤᎾᏕᎶᏆᏍᏗᎢ Ꮎ ᎠᎾᏕᎶᏆᏍᎩ ᎠᎴ ᎠᏂᎦᏛᎴᏏᏙᎲᎢ ᎠᎾᏓᏁᏟᏴᏍᎬᎢ ᎠᏂᏏᏴᏫᎭ ᎨᏒᎢ ᏂᏗᎦᎵᏍᏙᏗᎭ ᏩᏥᏂ ᏗᏍᏓᏩᏛᏍᏗ ᎾᏍᎩ ᎤᏂᏐᎭᎾᎳᏛᎢ ᏅᏁᎯᏴᎢ ᏗᎦᏬᏂᎯᏍᏗᎢ.

ᎾᏍᎩᏃ ᏄᎬᏫᏳᏒᎢ ᎦᏬᏂᏏᏙᎯ ᎥᎿ ᏓᎾᏠᏍᎬᎢ ᎾᏍᎩ ᎢᎨᏎᏍᏗ ᎠᎦᎾᎦᏘ Dr. Colleen Fitzgerald, ᏩᎦᎸᎳᏗᏴᎢ ᏧᎾᏕᎶᏆᏍᏗᎢ ᏗᏕᏲᎲᏍᎩ ᎥᎿᎾᏂ University of Texas at Arlington ᎠᎴ ᎾᏍᏊ ᎢᎬᎾᏕᎾ Science Foundation ᎤᏙᏢᏒᎢ ᎠᏓᏎᎮᎯ ᎾᏍᎩᏃ ᏓᏂᏍᏂᎪᏗᎲᎢ ᎾᏍᎩ ᏚᏂᏲᎱᏎᎲᎢ ᏗᎦᏬᏂᎯᏍᏗ.

ᎥᎿᏃ ᏓᎾᏠᏍᎬᎢ ᎠᏎᏭᏃ ᎠᏴᎯᏍᏗᎢ ᎨᏎᏍᏗ ᎠᎴ ᎠᏍᏚᎢᏎᏍᏗ ᎦᎪᏊ ᎡᏪᏓᏍᏗ. ᎠᏗᎾ, ᎠᎵᏍᏓᏰᏗ ᎠᏛᏅᎢᏍᏕᏍᏗ ᎠᏗᎾ Ꮓ ᎠᎦᏲᏢᏃ ᎤᏟᏅᏛ ᎠᎵᏍᏛᏡᏍᏗᎢ, ᎠᎾᏓᏩᏛᎯᏙᎯᏃ ᎠᏁᏙᎲᎢ ᎾᏍᎩᏃ 70 ᎢᏳᏂᏨᎢ ᏗᎵᏍᎪᏟᏔᏅᎢ ᎨᏎᏍᏗ. ᎪᏪᎵᏃ ᎠᏈᏱᏍᎩ ᎠᏎᎢ ᎦᏁᏍᏗ ᎩᎳ ᎬᏴᏍᏗ ᎥᎿ ᎤᎵᏍᎨᏓ ᏓᎾᏠᏍᎬᎢ. ᎪᏪᎵᏃ ᎠᏈᏱᏍᎩ $20 ᎠᏕᎳ ᏧᎬᏩᎶᏗ ᎨᏎᏍᏗ ᎠᎴ ᎾᏍᎩ ᎠᏠᏯᏍᏕᏍᏗ BBQ ᎠᎵᏍᏓᏰᏗ.

Melanie Frye, ᏏᎻᏃᎵ ᎠᏰᎵ ᎦᏬᏂᎯᏍᏗᎢ ᎠᏕᎶᏆᏍᏗᎢ ᎢᏳᏰᏟᏗ ᏧᎸᏫᏍᏓᏁᎯ ᎠᎴ ᏄᎬᏫᏳᏒᎢ Inter-ᎠᏂᏍᏓᏢᎢ ᏗᎦᎳᏫᎩ ᎦᏬᏂᎯᏍᏗᎢ ᎤᎾᏓᏡᎬᎢ, ᎢᎧᏃᎮᏍᎬᎢ ᎾᏍᎩ ᏕᎦᏂᎳᏕᎰᎢ ᎾᏍᎩ ᎤᏁᎳᏗᏓᏍᏗᎢ.

“ᏗᎦᏤᎵᏃ ᏗᎦᏬᏂᎯᏍᏗᎢ ᎾᏍᎩᏃ ᏂᏚᎵᏍᎨᏗᏴᎢ ᎾᏍᎩ ᏕᎦᏂᏱᏍᎪᎢ ᎢᎦᏤᎵᎢ ᏱᎦᏛᏁᎵᏓᏍᏗᎢ ᎠᎴ ᎠᎵᏍᏕᎵᏍᎪᎢ ᎾᏍᎩ ᎢᏳᎾᏛᏁᎵᏓᏍᏗᎢ ᎠᎴ ᎠᏂᏏᏴᏫᎭᎢ ᎤᏂᏁᏉᎢᏍᏗᎢ. ᏗᎦᏤᎵᎢ ᏗᎦᏬᏂᎯᏍᏗᎢ ᎢᎦᎵᏍᎪᏟᏓᏁᎰᎢ ᏗᎦᏟᏃᎮᏗᎢ, ᎢᎬᏌ ᏗᎫᎪᏔᏂᏓᏍᏗᎢ, ᏱᎦᏛᏁᏗᎢ ᎾᏍᎩ ᎢᏳᏍᏗ ᏕᎦᏁᏟᏛᎢ ᎠᎴ ᏗᏕᏲᏗᎢ ᏗᎦᏤᎵᎢ ᏗᎾᏛᏍᎩ. ᎾᏍᎩᏃ ᎠᏂᏏᏴᏫᎭᎢ ᏓᏁᎲᎢ ᏧᏓᎴᎿᎢᎢ ᏓᏂᏍᏓᏢᎢ ᎠᏰᎵ ᏚᏙᏢᏒᎢ ᎾᏍᎩᏃ ᎨᎦᏓᏁᎳᏁᎸᎢ ᎾᏍᎩ ᎤᎾᎦᏎᏍᏗ ᎤᏂᏬᏂᎯᏍᏗᎢ ᎠᎴ ᎢᏳᎾᏛᏁᎵᏓᏍᏗᎢ. ᏂᎦᏓᏃ ᏗᎩᎸᏫᏍᏓᏁᏗ ᎾᏍᎩ ᎢᎩᏩᏛᏗᎢ ᎾᏍᎩ ᎢᏯᏛᏁᏗᎢ ᏗᎦᎵᏏᏅᏙᏗ ᏗᎦᏬᏂᎯᏍᏗ. ᎾᏍᎩᏃ ᏙᏣᏠᏏᎢᎭ ᎬᏂᎨᏒᎢ ᏱᏗᎬᏁᏗᎢ ᏂᏕᎵᏍᎬᎢ ᎠᎴ ᎤᎪᏗ ᎠᏕᎶᏆᏍᏗ ᎾᏍᎩ ᎢᏯᏛᏁᏗᎢ ᏗᎦᏟᏱᏗᎢ ᎾᏍᎩ ᎢᎩᏲᎱᏎᎲᎢ ᎦᏬᏂᎯᏍᏗᎢ ᎥᎿᎾᏂ ᏗᎦᏤᎵᎢ ᎠᏰᎵ ᏚᏙᏢᏒᎢ. ᏲᎦᏚᎳ ᏂᎦᏓ ᎢᏍᎩᏰᎳᏕᏗᎢ ᎥᎿᎾᏂ 2017 Inter-ᎠᏂᏍᏓᏢᎢ ᏓᏂᎳᏫᎬᎢ ᎦᏬᏂᎯᏍᏗᎢ ᎢᏳᏰᏟᏗ ᏓᎾᏠᏍᎬᎢ,” ᎠᏗᏍᎬᎢ Frye.

ᎾᏍᎩᏃ ᎤᎪᏗ ᎠᏕᎶᎰᎯᏍᏗᎢ ᏲᏚᎵᎠ, ᎠᎾᎦᎵᏍᎩ ᎪᏪᎵ ᏱᏫᏅᏏ Teresa Workman, ᏥᎦᏌᎢ ᎠᏰᎵ ᎤᏙᏢᏒᎢ ᎦᏬᏂᎯᏍᏗᎢ ᏳᏰᏟᏗ ᏗᎫᏔᏂᏙᎯ, ᏴᏩᏘ ᎥᎿᎾᏂ teresa.workman@chicksaw.net ᎠᎴᏱᎩ Melanie Frye ᎥᎿ ᏴᏩᏘ frye.m@sno-nsn.gov. ᎾᏍᎩᏃ ᏗᎦᏃᏣᏢᏍᎦ ᎠᎴ ᎪᏪᎵ ᎠᎧᎵᏏᏐᏗ ᎾᏍᎩᏃ ᏓᎾᏠᏍᎬᎢ ᎢᏳᏰᏟᏗ ᎾᏍᎩᏃ ᏰᎵᎢ ᎡᎳᏗᎦᏟᏗ ᎥᎿᎾᏂ ᏴᏩᏘ www.fivecivilizedtribes.org. ᎾᏍᎩᏃ ᎠᏕᎳ ᏗᏎᎯᏍᏗ ᏴᎪᏪᎸᎥᎦ ᎾᏍᎩ ᎤᏂᏁᏍᏗ ᎥᎿ “ITC ᎦᏬᏂᎯᏍᏗ ᎢᏳᏰᏟᏗ.” ᎧᏃᎯᏍᏗᏃ ᎾᏍᎩ ᎠᎧᎵᏏᏐᏗ ᎠᎴ ᎠᏕᎳ ᏗᏎᎯᏍᏗ ᎾᎯᏳᎢ ᎢᎬᏱᏱ ᎢᎦ ᏓᎾᏠᏍᎬᎢ. ᎠᏈᏴᎲᎢ ᎪᎯᏳᏗᏍᎩ ᎾᏍᎩ ᎠᏛᎢᏍᏕᏍᏗ ᎾᎯᏳᎢ.

– Translated by David Crawler

Culture

BY STAFF REPORTS
10/23/2020 03:10 PM
The federal funds are part of a...

BY STACIE BOSTON
Multimedia Reporter
10/16/2020 09:19 AM
TAHLEQUAH – The Cherokee Language Master Apprentice Program has been an outlet for lea...

BY STAFF REPORTS
10/15/2020 09:02 AM
The exhibit opened Oc...

BY LINDSEY BARK
Reporter
10/14/2020 08:21 AM
Cherokee author Traci Sorell’s award-wi...

BY STAFF REPORTS
10/13/2020 10:22 AM
The virtual market is exp...

BY WILL CHAVEZ
Assistant Editor – @cp_wchavez
10/02/2020 12:47 PM
Cherokee author Traci Sorell’s book tells o...