Cherokee Nation acquires 9 properties in 2009
TAHLEQUAH, Okla. – According to Cherokee Nation Management Resources, in 2009 the tribe purchased eight properties and received one as a donation, all of which are located within the CN jurisdiction.
In Rogers County, the Rogers County Cherokee Association in Tiawah donated 8.84 acres to the tribe so that it could be placed into trust. The association’s building residing on the property will continue to be used by community members.
The donation was finalized on Feb. 15, but the property has yet to receive its trust status.
“It is one of our strategic initiatives to work with communities in ways that will help them become stronger and self sufficient. Therefore it would not be considered uncommon for a group to donate land to the tribe so we can place the land in trust, which obviously results in Cherokee Nation not having to pay taxes,” Angela Drewes, Management Resources interim group leader, said. “We have many lease agreements and land assignments on trust property that affords tribal citizens and community organizations the use of tribal trust property.”
The tribe also bought two properties in Adair County in 2009. On Feb. 23, Cherokee Nation Entertainment purchased 2.13 acres for $1,500 in the Salem community to be used for landfill access.
Another 190 acres were purchased on March 24 in the Fairfield community for $251,750. The tribe bought the property for affordable housing activities.
“Currently, it is planned for self -help SIP (structured insulated panel) panel homes,” Drewes said. “It was planned to accommodate 26 units.”
In Sequoyah County, the tribe purchased 330 acres on April 24 next to the Redbird Ceremonial Grounds for $250,000 with the expectation of using the land for 30 self-help housing units, Drewes said.
In Tulsa County, the tribe purchased 44 acres on July 8 near Collinsville for $130,000. The property, formerly owned by Acme Brick, was purchased for utility easement and access to a Cherokee organization’s existing community building on the connecting property.
Drewes said the Victory Cherokee Community Organization is developing plans for the tract’s future use and that it’s common for CN to purchase property to help a community association get the needed utilities to its community building, especially when a neighbor refuses to grant a utility easement.
“…the tribe bought raw land that was owned by ACME Brick Co., to afford the Victory Cherokee Community Organization the ability to get electric run to their community building. And yes, this group will be allowed to enter into a lease agreement for management of the property,” Drewes said. “The Cherokee Nation Natural Resources department is working with the organization regarding land use/development strategies.”
The tribe also purchased four properties in Cherokee County in 2009. A little more than a half acre (0.56) was purchased for $2,000 on July 27 for access to Ross Cemetery in Park Hill.
The property is being developed by the tribe’s Cultural Tourism department and is expected to be a stop for people interested in the tribe’s history, Drewes said.
On July 29, two more properties in Cherokee County totaling 396 acres were purchased along the Bertha Parka Bypass for possible business development and affordable housing activities.
As of press time no definite plans for commercial development had been decided, and the tribe is in the planning stages of using part of the property for 57 housing units, Drewes said.
The cost for the two properties combined was $1.2 million.
On Aug. 14, two-tenths of an acre was purchased in Tahlequah on the corner of Downing and Water streets for possible business development. The property cost $42,500.
ᏣᎳᎩ ᎠᏰᎵ ᏐᏁᎳ ᎦᏙᎯ ᏚᎩᏎ ᏔᎵ ᎢᏯᎩᏴᎵ ᏐᏁᎳ ᎤᏕᏘᏴᏌᏗᏒ
ᏓᎵᏆ, ᎣᎦᎳᎰᎻ.--ᎾᏁᎵᏏᏙᎲᏃ ᏣᎳᎩ ᎠᏰᎵ ᎠᎾᏓᏅᏖᏟᏙ ᎤᎾᏙᏢᏒ, ᏔᎵ ᎢᏯᎦᏴᎵ ᎤᏕᏘᏴᏌᏗᏒ Ꮎ ᎠᏂᎵᏍᏓᏢ ᏧᏁᎳ ᏗᎦᏙᎯ ᏚᏂᏩᏎ ᎠᎴ ᏌᏊ ᎨᏥᏁᎸᏊ, ᏂᎦᏓᏃ ᎾᏍᎩ ᏣᎳᎩ ᎠᏰᎵ ᏧᏄᎪᏔᏂᏓᏍᏗ ᏚᏠᏯᏍᏗ.
Roger’s ᏍᎦᏚᎩᎢ, Ꮎ Roger’s ᏍᎦᏚᎩᎢ ᏣᎳᎩ ᎤᎾᎵᎪᏒ ᎾᎿ Tiawah ᏚᏂᏁᎴ ᏧᏁᎳ ᎤᎶᏒᏍᏗ ᎢᏳᏟᎶᏓ ᎾᏍᎩ ᎠᏂᎵᏍᏓᏢ ᎾᏍᎩᏃ ᎠᎨᏅᏛ ᎢᏳᎵᏍᏙᏗᎢ. ᎾᏍᎩᏃ ᎤᎾᎵᎪᏒ ᎤᎾᏓᏁᎸ ᎤᎿ ᎦᏙ ᏧᏃᏢ ᏂᎦᏯᎢᏒᏊ ᎾᎥ ᏂᏚᎾᏓᎴᏫᏒ ᎤᏅᏔᏂᏓᏍᏗ ᎨᏎᏍᏗ.
ᎨᏥᏁᎸᎢᏃ ᎤᏂᏍᏆᏛᎢ ᎧᎦᎵ ᏍᎩᎦᏚᏏᏁ, ᎠᏎᏃ Ꮎ ᎦᏙ ᏝᏏ ᎠᎨᏅᏛ ᏱᎬᏁᎸ ᏱᎩ. “ᎾᏍᎩᏰᏃ ᏌᏊ ᎣᎪᎷᏩᏛᏓ ᎢᏲᎦᏛᏁᏗ ᏙᏣᎵᎪᏁᎲ ᎾᎥ ᏂᏚᎾᏓᎴᏫᏒ ᎢᏯᏛᎿ ᏳᎾᏛᏁᏗ ᎤᎾᎵᏍᏁᎸᏗ ᎤᎾᏟᏂᎪᎯᏍᏗ ᎠᎴ ᎤᏅᏌ ᎤᎾᎵᏍᏕᎸᏗᎢ. ᎾᏍᎩᏃ ᎢᏳᏍᏗ Ꮭ ᎪᎱᏍᏗ ᏂᏚᏓᎴᎿᎥ ᏱᎨᏎ ᎤᎾᏓᏡᎬ ᏧᏂᏁᏗ ᎦᏙ ᎠᏂᎵᏍᏓᏢ ᎾᏊᏃ ᎡᎵᏊ ᎠᎨᏅᏛ ᎦᏲᎬᏁᏗ, ᎾᏍᎩᏃ ᎠᏰᎵ ᎤᎾᏈᏴᏗ ᏂᎨᏒᎾ ᏣᎳᎩ ᎠᏰᎵᎢ,” Angela Drewes, ᎠᎾᏓᏅᏖᎵᏙ ᎤᎾᏙᏢᏒ ᏞᎦᏭ ᎤᎾᏓᏡᏃ ᏗᏓᏘᏂᏙᎯ, ᎤᏛᏁ. “ᎤᏥᏍᏈᏍᏗ ᏙᎩᎾᎠ ᎠᏓᏙᎵᏍᏙᏗ ᏗᏓᏙᎵᏤᎸ ᎠᎴ ᎦᏙ ᏗᎪᏍᏙᏗ ᎠᎨᏅᏛ ᎦᏙ ᎨᏒᎢ ᎾᏍᎩᏃ ᏓᎵᏍᎪᎸᏓᏁᎰ ᎠᏂᎵᏍᏓᏢ ᎠᏁᎵ ᎠᎴ ᎾᎥ ᏂᏚᎾᏓᎴᏫᏒ ᏚᎾᏙᏢᏒ ᎤᏅᏙᏗ ᎾᏍᎩ ᎠᏂᎵᏍᏓᏢ ᎠᎨᏅᏛ ᎦᏙ ᎤᏂᎲᎢ.”
Ꮎ ᎠᏂᎵᏍᏓᏢ ᎾᏍᏊ ᏔᎵᎭ ᎦᏙ ᏚᏂᏩᏎ ᏓᏫᏍᎦᎵ ᏍᎦᏚᎩ ᎳᎵ ᎢᏯᎦᏴᎵ ᏐᏁᎳ ᎤᏕᏘᏴᏌᏗᏒ. ᎧᎦᎵ ᏔᎵᏍᎪ ᏦᎢᏁ, ᏣᎳᎩ ᎠᏰᎵ ᎠᏛᏁᎶᏗ ᎤᎾᏙᏢᏒ ᏔᎵ ᎢᏳᏟᎶᏓ ᎤᏂᎶᏎ ᏍᎩᎦᏚ ᎢᏍᎪᎯᏧᏈ ᎤᎾᏈᏴᎮ ᎾᎿ ᏎᎳᎻ ᎤᏙᏢᏒᎢ ᎾᏍᎩᏃ ᎦᏙ ᎠᎧᎵᏍᏗ ᎤᏅᏙᏗ ᎠᏂᎷᏥᏙᎲ.
ᏐᎢᏃ ᏍᎪᎯᏧᏈ ᏐᏁᎵᏍᎪ ᎢᏳᏟᎶᏓ ᎠᏩᏒ ᎨᏒ ᎠᏅᏱ ᏔᎵᏍᎪ ᏅᎩᏁ ᎾᎿ ᏝᏄᏬᎢ ᎤᏙᏢᏒᎢ ᏔᎵᏧᏈ ᎯᎩᏍᎪ ᏌᏊ ᎢᏯᎦᏴᎵ ᎦᎵᏉᎯᏧᏈ ᎯᎩᏍᎪ ᎠᏕᎸᎢ. ᎠᏂᎵᏍᏓᏢ ᎤᏂᏩᏒ ᎦᏙ ᏰᎵᏊ ᎬᏩᎾᏈᏴᏗ ᏓᎾᏁᏍᎨᏏᏙᎲ.
ᎩᎳᏊ ᎨᏒ, ᏕᎫᎪᏗ ᏗᎬᏙᏗ ᎣᏩᏌ ᎠᎵᏍᏕᎸᏗ SIP (structured insulated panel) panel ᏓᏓᏁᎸ,” Drewes ᎤᏛᏁ. “ᏗᎫᎪᏔᏅᏃ ᎨᏒ ᏔᎵᏍᎪ ᏑᏓᎵ ᏓᏓᏁᎸ ᏗᏁᎩᏍᏗᎢ.”
ᏏᏉᏯ ᏍᎦᏚᎩ, ᎠᏂᎵᏍᏓᏢ ᏦᎢᏧᏈ ᏦᏍᎪ ᎢᏳᏟᎶᏓ ᎤᏂᏩᏎ ᎧᏬᏂ ᏔᎵᏍᎪ ᏅᎩᏁ ᎾᎥᏊ Ꮎ ᏙᏧᏩ ᎦᏘᏯ ᎤᎾᎵᏍᎩᏍᏗᎢ ᏔᎵᏧᏈ ᎯᎩᏍᎪ ᎢᏯᎦᏴᎵ ᎤᎾᏈᏴᎮ ᎢᏳᏍᏗᏃ ᎠᏂᎦᏖᏃ ᎤᏅᏙᏗ ᏦᏍᎪᎯᏃ ᎢᎦ ᎣᏩᏌ ᎠᎵᏍᏕᎸᏗ ᏓᏓᏁᎸ ᏗᏁᏍᎨᎲ ᎠᎬᏩᎴᎢ, Drewes ᎤᏛᏁ.
ᎳᎵᏏᎢ ᏍᎦᏚᎩ, ᎠᏂᎵᏍᏓᏢ ᎤᏂᏩᏎ ᏅᎩᏍᎪ ᏅᎩ ᎢᏳᏟᎶᏓ ᎫᏰᏉᏂ ᏧᏁᎵᏁ ᎾᎥᎢ ᏧᎾᏯᏢᏗᎢ ᏍᎪᎯᏧᏈ ᏦᏍᎪ ᎢᏯᎦᏴᎵ ᏚᎵᎬᏩᏝᏁ. Ꮎ ᎦᏙ, ᎢᎬᏱ ᎤᎾᏤᎵ ᎨᏎᎢ Acme Brick, ᎾᏍᎩ ᎠᏩᏒᎢ ᎨᏎ ᏗᎾᎦᎵᏍᎩ ᏗᎦᎷᎩ ᎾᏅᏁᎲ ᎠᎴ ᎦᎷᏥᏓᏍᏗ ᏣᎳᎩ ᎤᎾᏙᏢᏒ ᎾᎥ ᏂᏚᎾᏓᎴᏫᏒ ᎤᎾᏓᏁᎸ ᎥᎿ ᏓᏠᏏᎯᎲ ᎦᏙᎯ.
Drewes ᏄᏪᏎ Ꮎ ᎤᎾᏓᏎᎪᎩᏓ ᏣᎳᎩ ᎾᎥ ᏂᏚᎾᏓᎴᏫᏒ ᎤᎾᏙᏢᏒ ᏓᏄᎪᏔᏂᏙᎠ ᎢᏳᏅᏁᏗ ᎾᏍᎩ ᎦᏙ ᎤᏩᎪᏗᏗᏒ ᎬᏙᏗ ᎠᎴ ᎤᏣᏙᏊ ᏣᎳᎩ ᎠᏰᎵ ᎤᏂᏩᎯᏍᏗ ᎦᏙ ᏓᏂᏍᏕᎵᏍᎬ ᎾᎥ ᏂᏚᎾᏓᎴᏫᏒ ᎾᏍᎩ ᎤᏂᎩᏍᏗ ᎤᏂᏂᎬᏎᎲ ᎠᎾᎦᎵᏍᎩ, ᎠᎴ ᏧᏓᎴᏅᏓ ᏗᎦᎷᎩ ᏂᏓᏅᏁᎲ ᎤᎾᏓᏁᎸᎢ, ᎤᏟᎢᏃ ᎾᏊ ᎾᎥ ᎢᏲᏓᎵ ᏯᏓᏱᎭ ᎤᎵᏍᎪᎸᏙᏗ ᏫᏚᎷᎯᏍᏗ ᏗᎫᏓᎸᏂᏓᏍᏗ.
“…Ꮎ ᎠᏂᎵᏍᏓᏢ ᎤᏂᏩᏎ ᎤᏲ ᎦᏙ ᎾᏍᎩ Acme Brick ᎤᎾᏤᎵᎪ, ᎤᎾᎵᏍᎪᎵᏓᏁᏗ ᎤᎾᏓᏎᎪᎩᏓ ᏣᎳᎩ ᎾᎥ ᏂᏚᎾᏓᎴᏫᏒ ᎤᎾᏙᏢᏒ ᎡᎵ ᎢᎬᏩᎾᏛᏁᏗᎢ ᎠᎾᎦᎵᏍᎩ ᎦᎷᎩ ᎢᏳᏅᏁᏗᎢ ᎤᎾᏓᏁᎸ. ᎠᎴ ᎥᎥ, ᎯᎢᎾ ᎤᎾᏓᏡᎬ ᏓᏰᎦᎵᏍᎪᎸᏓᏁᎵ ᎤᏂᏢᏗᎢ ᎠᎨᏅᏛ ᏗᏓᏙᎵᏤᎸᎢ ᎾᏍᎩ ᎣᏍᏓ ᏄᏅᎿᏕᎬ ᎦᏙᎯ,” Drewes ᎤᏛᏁ. Ꮎ ᏣᎳᎩ ᎠᏰᎵ ᏄᏍᏗᏓᏅ ᎡᎶᎯ ᎤᎾᏙᏢᏒ ᎠᎴ ᎾᎥ ᎢᏧᎾᏓᎵ ᎤᎾᏙᏢᏒ ᎤᎾᎵᎪ ᏚᏂᎸᏫᏍᏓᏁ ᎢᏳᏍᏗ ᎬᏙᏗ ᎦᏙ ᎠᎴ ᎥᎦᏢᏍᎬ ᏯᏛᏁᎵᏓᏍᏗ.”
Ꮎ ᎠᏂᎵᏍᏓᏢ ᎾᏍᏊ ᏚᏂᏩᏎ ᏅᎩ ᎦᏙᎯ ᏣᎳᎩ ᏍᎦᏚᎩ ᎳᎵ ᎢᏯᎦᏴᎵ ᏐᏁᎳ ᎤᏕᏘᏴᏌᏗᏒ. ᏍᏗᎩᏓᏃ ᎠᏰᏟ ᎢᏳᏟᎶᏓ (0.56) ᎠᏩᏒ ᎨᏎ ᏔᎵ ᎢᏯᎦᏴᎵ ᏧᎬᏩᎶᏗ ᏚᏰᏉᏂ ᏔᎵᏍᎪ ᎦᎵᏉᎩᏁᎢ ᎤᏂᏴᏍᏙᏗ ᎠᎵᏍᎪᎸᏗᏍᎩ ᎾᎿ ᎫᏫᏍᎫᏫ ᏧᎾᏓᏂᏐᏗ ᎾᎿ ᎠᏫ ᎤᏂᏴᏍᏗᎢ ᏥᎩ.
Ꮎ ᎦᏙ ᎣᏍᏓ ᎾᏅᏁᎵᏙᎠ Ꮎ ᎠᏂᎵᏍᏓᏢ ᏄᏍᏗᏓᏅ ᎠᎦᏖᏃᎢᏓᏍᏗ ᎤᎾᏙᏢᏒ ᎠᎴ ᎤᏚᎩ ᎤᏅᎭ ᎾᏍᎩᏃ ᏴᏫ ᎤᎾᎴᏫᏍᏙᏗ ᎤᎾᏕᎳᎰᎯᏍᏗᏃ ᎠᏂᎵᏍᏓᏢ ᏂᏧᎵᏍᏔᏅᏍᏔᏅ, Drewes ᎤᏛᏁ.
ᎫᏰᏉᏂ ᏔᎵᏍᎪ ᏐᏁᎵᏁᎢ, ᏔᎵᎭ ᎢᎦ ᎦᏙ ᏣᎳᎩ ᏍᎦᏚᎩ ᏦᎢᏧᏈ ᏐᏁᎵᏍᎪ ᏑᏓᎵ ᎢᏳᏟᎶᏓ ᏩᏟᏯᎶᎯᎯ ᏗᏩᏒ ᏄᎵᏍᏔᏅ ᎠᏍᏛᏗᏜ Bertha Parker ᎦᎶᏏᏓᏍᏗ ᎾᏍᎩᏃ ᎪᎱᏍᏗ ᏗᎦᎸᏫᏍᏓᏁᏗ ᎤᏙᏢᏗᎢ ᎠᎴ ᎦᎬᏩᎯᏍᏗ ᏗᏁᏍᎨᏢ ᏂᎦᎵᏍᏗᏍᎬᎢ.
ᏏᏃ ᏂᎦᎴᏴᏔᏅᎾ ᎠᏟᏱᎶᎯᎲ ᏝᏃ ᏗᎫᎪᏔᏅ ᏱᎨᏎ ᎾᎯᏳ ᏗᎦᏃᏣᏝᏅ ᎢᏯᏛᏁᏗ ᏱᎨᏎ, ᎠᎴ Ꮎ ᎠᏂᎵᏍᏓᏢ ᏏᏃ ᏓᏄᎪᏔᏂᏙᎠ ᎢᎦᏓ ᎤᏅᏙᏗ Ꮎ ᎦᏙ ᎯᎩᏍᎪ ᎦᎵᏉᎩ ᏓᏓᏁᎸ ᏧᎾᏁᎬᏍᏗᎢ, Drewes ᎤᏛᏁ.
ᏚᎵᎬᏩᏝᏅᎢᏃ Ꮎ ᏔᎵ ᎦᏙᎯ ᏌᏊ ᎢᏳᏆᏗᏅᏓ ᎤᎶᏒᏍᏗ ᎨᏎᎢ.
ᎦᎶᏂ ᏂᎦᏚᏏᏁ ᏥᎨᏒ, ᏔᎵ-ᏯᏍᎪᎯ ᏳᏟᎶᏓ ᎠᏩᏒ ᏄᎵᏍᏔᏁ ᎾᎿ ᏓᎵᏆ ᎤᎿ ᎤᏅᏏᏴ ᎤᏕᏔᏩᏓ ᎠᎴ ᎠᎹ ᏕᎦᎵᏅᏛᎢ ᎾᏍᏊᏃ ᏗᎦᎸᏫᏍᏓᏁᏗ ᎤᏙᏢᏗᎢ. ᎾᏍᎩ ᎦᏙ ᏅᎩᏍᎪ ᏔᎵ ᎢᏯᎦᏴᎵ ᎯᏍᎩᏧᏈ ᏚᎳᎬᏩᏝᏁ.