Camp ClapHans plans continue despite tighter budgets
TAHLEQUAH, Okla. – Despite tighter budgets, the J.D. McCarty Center in Norman is moving forward with plans to build Camp ClapHans in honor of the late Sammy Jack Claphan, a Cherokee Nation citizen.
Camp ClapHans will be the first summer camp of its kind in Oklahoma, McCarty Center officials said. It will have the usual summer camp activities such as swimming and horseback riding, but it will be unique in that the camp will be accessible to children 8 to 16 years old with disabilities and/or in wheelchairs.
Uwe von Schamann, J.D. McCarty director of Development and former University of Oklahoma Sooners kicker, said the organization has funding to build two cabins at the Norman-based camp this year. The Cherokee Nation is financing and building one cabin in honor of Claphan, who was von Schamann’s teammate at OU, while the Chickasaw Nation is financing the other cabin.
“I’d say within six months we are going to break ground (for the cabins), but it’s definitely going to happen this year. Hopefully, next year we’ll start having one-week camps. So that’s kind of where we are,” von Schamann said.
He said he is working other Oklahoma tribes to raise funds for two more cabins and a mess hall to be named after Claphan. In the meantime, he said, the camp would use its multi-purpose building for a temporary mess hall.
State and national economy woes have slowed fundraising for more cabins, the mess hall and a swimming pool. State budget cuts took away some of the surplus money the J.D. McCarty Center once had, von Schamann said.
Construction costs have also risen since October 2008 when ground was broken for the project. The camp’s initial total cost of $4.5 million has doubled, he said.
“We can’t build the whole camp right now, but we can at least get started,” he said.
The McCarty Center is also focused on raising money for scholarships to help disabled children attend summer camps. A bowling event is set for May 6 to raise scholarship endowment funding. Four-person teams can participate in the seventh annual “Gutter Dance” fundraiser by paying $200 per team or $50 per person. The cost includes a meal and two games. People can also sponsor a bowling lane for $100, and corporate sponsorships are $500.
Claphan died in 2001 at the age of 45. He grew up near Stilwell in Adair County and received a scholarship to play football for the Sooners in 1974.
He was an All-American offensive guard at OU and helped the Sooners win two national championships in 1974 and 1975. The Cleveland Browns drafted him in 1979. He was later traded to the San Diego Chargers where he played offensive tackle until 1987.
After his retirement, he returned to Oklahoma where he coached football at Midwest City Carl Albert High School and Stilwell. He retired from coaching in 1999, devoting his time to being a special education teacher at Stilwell.
Initially, only a cabin was going to be named after Claphan, von Schamann said, but the sound of his friend’s last name lent a hand in eventually naming the camp after him.
Along with being teammates at OU, von Schamann said he and Claphan were competitors in the NFL because von Schamann kicked for the Miami Dolphins while Claphan played for the Chargers.
“We were just really good friends, and during the off season we would spend time together. We were very close,” he said.
The J.D. McCarty Center was founded in 1946 to treat cerebral palsy. Since that time, the hospital has expanded by treating more than 70 different diagnoses of developmental disabilities.
ᏓᎵᏆ, ᎣᎦᎵᎰᎹ.---- ᎾᏍᎩ ᎯᎠ ᎦᏲᏟᎨ ᎤᏂᎲ ᎤᏅᏔᏂᏓᏍᏗ, ᎯᎠ J.D. McCarty ᎠᏰᏟ Norman ᎢᎬᏱᏗᏢ ᏩᏂᎦᏘ ᎠᎾᎢ ᎤᎾᏁᏍᏗ ᎯᎠ Camp ClapHans ᎠᏂᎸᏉᏗᏍᎬ Sammy Jack Clapman ᏥᎨᏒᎢ, ᏣᎳᎩᎯ ᎠᏰᎵ ᎨᎳ.
Camp ClapHans ᎾᏍᎩ ᎯᎠ ᎠᎬᏱᎯ ᎨᏎᏍᏗ ᎪᎩᏱᎩ ᎤᎾᏓᏍᏗ ᎤᎾᏕᎶᏆᎥᎲᏍᏗᎢ ᎠᎭᏂ ᎣᎦᎵᎰᎻ, McCarty ᎠᏰᏟ ᏄᏂᎬᏩᏳᏌᏕᎦ ᎤᎾᏛᏅᎢ. ᎤᏂᎮᏍᏗ ᏂᎦᏓ ᏥᎾᎾᏛᏁᎰ ᎾᏍᎩ ᎪᎩ CAMP ᏚᏂᏍᏆᎸᎡᎵᏙᎲ ᏯᏛᎾ ᎤᎾᏓᏬᏍᎬᏗ ᎠᎴ ᏐᏈᎵ ᏧᎾᎩᎸᏙᏗᎢ, ᎠᏎᏍᏂ ᏄᏓᎴ ᎨᏎᏍᏗ ᎾᏗᎦᎵᏍᏙᏗ ᎯᎠ Camp ᎾᏍᎩ ᎡᎵᏊ ᏗᏂᏲᏟ ᎬᎾᏁᏓᏍᏗ ᎨᏎᏍᏗ ᏧᏁᎳ ᎾᏊᎴ ᏓᎳᏚ ᎢᏧᎾᏕᏘᏴᏓ ᏩᏍᏗ Ꮎ ᎡᎵᏊ ᎢᎬᏩᎾᏛᏗ ᏂᎨᏒᎾ ᏯᏛᎾ ᏗᏲᎤᏟ ᎠᎴ ᏗᏂᏲᎤᏟ ᎤᎾᏦᏙᏗ ᏧᎾᏦᏗ.
Uwe von Schamann, J.D. McCarty ᏗᎫᎪᏔᏂᏙᎯ ᎯᎠ ᎠᏂᏱᎵᏙᎲ ᎤᏃᏢᏗ ᎠᎴ ᎯᎠ ᏧᏕᎶᏆᎥᎢ ᏩᎦᎸᎳᏗᏴ ᏧᎾᏕᎶᏆᏍᏗ ᎣᎦᎵᎰᎻ ᏞᎠᎨᏍᏗ ᎠᏴᏕᏍᎦ, ᎤᏛᏅ ᎯᎠ ᎤᎾᏓᏡᎬ ᎤᏂᎭ ᎠᏕᎳ ᏧᎾᏁᏍᏙᏗ ᏔᎵ ᏓᏓᏁᎳ ᏧᎾᏁᏍᏙᏗ ᎾᎿ Norman-based camp ᎯᎠ ᏧᏕᏘᏴᏌᏓ. ᏣᎳᎩᎯ ᎠᏰᎵ ᎠᏛᏅᎢᏍᏗ ᎠᎵᏍᎪᎸᏗ ᏌᏊ ᎠᏓᏁᎸ ᎤᎾᏁᎢᏍᏙᏗ ᎠᏂᎸᏉᏗᏍᎬ ᎯᎠ Claphan, ᎾᏍᎩ ᎯᎠ von Schamann’s ᏧᎾᏁᎶᏅ ᎾᏍᎩ OU, ᎾᏃ ᎠᏂᏥᎦᏌ ᎠᎾᏛᏅᎢᏍᏗ ᏐᎢ ᎠᏓᏁᎸᎢ.
“ᎦᏗᎠ ᎾᏍᎩ ᏑᏓᎵ ᎢᏯᏅᏓ ᎦᏙ ᏛᏂᏲᏍᏔᏂ ᎾᏍᎩ ᏧᎾᏁᏍᏗᎢ, ᎠᏎᏍᎩᏂ ᏙᎯᏳ ᏂᏓᎦᎵᏍᏔᏂ ᎯᎠ ᏧᏕᏘᏴᏌᏗ. ᎣᎪᎯᏳ, ᏐᎢ ᏩᏕᏘᏴᎲ ᎡᎵᏊ ᏛᎾᎴᏅᎯ ᏒᎾᏙᏓᏆᏍᏗ ᎢᎪᎯᏓ ᏓᏁᏙᎲᎢ. ᎾᎿᏃ ᎣᏤᏙᎭ ᏃᏊ,” ᎤᏛᏅ von Schamann.
ᎧᏃᎮᏍᎬ ᏚᎸᏫᏍᏓᏁ ᎯᎠ ᎠᏂᏐᎢ ᎠᏂᏅᎳᏍᏓᎸ ᎣᎦᎵᎰᎻ ᎠᏁᎭ ᎾᏍᏊ ᎬᏩᎾᎵᏍᎪᎸᏙᏗ ᏱᎦᎩ ᎾᏍᎩ ᎤᎪᏛ ᏧᎾᏁᏍᏙᏗ ᎠᎴ ᎤᎾᎵᏍᏓᏴᏗ ᎠᎴ Claphan ᏚᏙᎥ ᏧᏃᏍᏙᏗᎢ. ᏃᏊᏍᎩᏂ ᎨᏒ, ᎤᏛᏅ, ᎾᏍᎩ camp ᏧᏓᎴᏅᏓᏊ ᎤᏅᏔᏂᏓᏍᏗ ᎨᏎᏍᏗ ᏃᏊ ᎨᏒᎢ ᎠᎴ ᏧᎾᎵᏍᏓᏴᏗᎢ.
ᏍᎦᏚᎩ ᎠᎴ ᎨᎾᏕᎾ ᏧᎬᏩᎶᏗ ᏂᎦᎵᏍᏔᏂᏙᎲ ᎠᏓᏅᏖᎸᏗ ᎨᏒ ᎠᏍᎦᏃᎳᏗᎠ ᎠᏕᎳ ᎤᎾᎪᏙᏗ ᏗᏐᎢ ᏧᎾᏁᏍᏙᏗ, ᎤᎾᎵᏍᏓᏴᏗ ᎠᎴ ᎤᎾᏙᏬᏍᏗᎢ. ᏍᎦᏚᎩ ᏧᎬᏩᎶᏗ ᎨᏒ ᎠᏂᎦᎸᏍᎬ ᎢᏴ ᏂᏕᎦᎵᏍᏗᏍᎪ ᎠᏕᎳ ᎤᎪᏗᏗ ᎬᏩᏂᎩᏍᏗ ᎨᏒ ᎾᏍᎩ J. D. McCarty ᎠᏰᏟ ᎤᏛᏅ ᏌᏊ ᎢᏳᏩᎪᏗ, ᎤᏛᏅ von Schamann.
ᎠᏁᏍᏙᏗ ᏧᎬᏩᎶᏗ ᎤᎵᏌᎳᏓᏂ ᎾᏍᎩ ᏚᏂᏃᏗ ᏔᎵ ᎢᏯᎦᏴᎵ ᏧᏁᎳ ᏧᏕᏘᏴᏌᏗᏒᎢ ᎾᏍᎩ ᎦᏙᎯ ᏧᏂᏲᏍᏔᏅᎢ ᎯᎠ ᎢᏳᎾᏛᏗᎢ. ᎯᎠ camp ᎤᏃᏢᏙᏗ ᏧᎵᎬᏩᎶᏗ ᏅᎩ ᎢᏳᏆᏗᏅᏓ ᏥᎨᏒ ᏃᏊ ᏚᎵᏈᏛᏅ, ᎤᏛᏅᎢ.
“ᏝᏃ ᏂᎦᏓ camp ᏱᎬᏙᏢᏅ ᏃᏊ ᎨᏒᎢ, ᎠᏎᏍᎩᏂ ᎡᎵᏊ ᏱᏓᎴᎾ,” ᎤᏛᏅᎢ.
ᎾᏍᎩ McCarty ᎠᏰᏟ ᎾᏍᎩ ᎠᏂᎪᏩᏗ ᎠᏕᎳ ᎤᎾᎪᏗ ᎾᏍᎩ ᏗᎾᏕᎶᏆᏍᎩ ᏗᎬᏩᏂᏍᏕᎸᏙᏗ ᎾᏍᎩ ᏗᏂᏲᎤᏟ ᏗᏂᏲᏟ ᎯᎠ camp ᎪᎩ ᏱᎩ. ᏍᏆᏞᏍᏗ ᏣᏂᏐᏆᎴᎯᎰ ᎠᎴ ᎫᎫ ᏥᏓᏅᏂᎰ ᎢᏳᏍᏗ ᏙᏛᎾᏁᎶᏂ ᎠᏂᏍᎬᏘ ᏑᏓᎵᏁ ᏛᏂᎪᏔᏂ ᎠᏕᎳ ᎾᏍᎩ ᎠᏕᎳ ᎠᏙᏢᏍᎩ ᏧᏂᏍᏕᎸᏙᏗ ᏧᎾᏕᎶᏆᏍᏗᎢ. ᏅᎩ ᎠᏂᏴᏫ ᏧᎾᏓᏡᎩ ᎾᏍᎩ ᎡᎵᏊ ᎬᏩᎾᏖᎳᏗᏍᏗ ᎾᎿ ᎦᎵᏉᎩᏁ ᎠᏍᏆᎵᏍᎬ “Gutter ᎠᎾᎵᏍᎩᏍᎬᎢ” ᎠᎾᎪᏗᏍᎬ ᎠᏕᎳ ᎾᏍᎩ ᏔᎵᏧᏈ ᎢᏕᎸ ᎤᎾᏈᏴᏗ ᎤᎾᏓᏡᎩ ᏅᎩ ᎤᏂᎢ ᎠᎴ ᎯᎦᏍᎪ ᎢᏕᎸ ᎠᏏᏴᏫᎭᎢ. ᎯᎢᎾ ᎠᎾᏈᏱᏍᎩ ᎤᏠᏯᏍᏗ ᎠᎵᏍᏓᏴᏗ ᎠᎴ ᏔᎵ ᎢᏗᎬᏁᎶᏗ. ᎩᎶ ᏳᏚᎵ ᎡᎵᏊ ᎬᏩᏈᏴᏗ ᏌᏊ ᎢᏗᏁᎶᏗᎢ ᎾᎿ ᏍᎪᎯᏧᏈ ᎢᏕᎸᎢ, ᎠᎴ ᎤᎾᏓᏡᎩ ᎬᏩᎾᏈᏴᏗ ᎯᏍᎩᏧᏈ ᎢᏕᎸᎢ.
Claphan ᎤᏲᎱᏒ ᏔᎵ ᏯᎦᏴᎵ ᏥᎨᏒ ᏅᎦᏍᎪᎯᏍᎩ ᎢᏳᏕᏘᏴᏓ ᎾᏒᎢ. ᎤᏛᏒᏃ ᎾᏍᎩ ᏍᏗᎵᏪᎵ ᎾᎥ ᏓᏫᏍᎦᎵ ᏍᎦᏚᎩ ᎠᎴ ᎤᏁᏒ ᏧᏕᎶᏆᏍᏙᏗ ᏍᏆᎱᏍᏗ ᎠᎾᏴᏖᏍᎩ ᎾᏍᎩ ᏞᎠᎨᏍᏗ ᏗᎾᏁᎶᎲᏍᎩ ᎾᎿ ᏐᏁᎳᏚ ᎢᏍᎪᎯᏧᏈ ᏅᎩ ᎤᏕᏘᏴᏌᏗᏒᎢ.
ᎯᎠ ᎨᏒᎢ ᏂᎦᏓ-ᎠᎹᏱᏟ ᏗᎦᏘᎴᎦ ᎠᎦᏘᏯ ᎾᏍᎩ OU ᎠᎴ ᏚᏍᏕᎸᎲ ᎾᏍᎩ ᏔᎵ ᎢᏳᏩᎪᏗ ᏩᎦᎸᎳᏗᏴ ᎤᎾᏓᏠᏒ ᎾᎠ ᏐᏁᎳᏚ ᎢᏍᎪᎯᏧᏈ ᎦᎵᏆᏍᎪ ᏅᎩ ᎠᎴ ᎯᏍᎩ ᏚᏕᏘᏴᏌᏗᏒᎢ. ᎯᎢᎾ Cleveland Browns ᎤᏂᏯᏅᎮ ᎯᎠ ᏧᏕᏘᏴᏌᏗᏒᎢ ᏐᏁᎳᏚ ᎢᏍᎪᎯᏧᏈ ᎦᎵᏆᏍᎪᏐᏁᎳ. ᎠᎴ ᎣᏂ ᎢᏴ ᎢᎠᎦᎵᏱᏓ ᎾᎿ San Diego Chargers ᎾᎿ ᏙᎤᏁᎶᏁ ᏗᎦᏘᎴᎦ ᎠᏍᏢᏂᏍᏗᏍᎩ ᏐᏁᎳᏚ ᎢᏍᎪᎯᏧᏈ ᏁᎳᏍᎪ ᎦᎵᏉᎩ ᎤᏕᏘᏴᏌᏗᏒ ᎢᎪᎯᏓ.
ᏙᏃ ᏄᏛᏁᎳ, ᎣᎦᎵᎰᎻ ᎢᎤᎷᏤᎢ ᎠᎴ ᏍᏆᏞᏍᏗ ᎠᎾᏴᏖᏍᎩ ᎤᎾᏓᏡᎬ ᏗᏘᏂᏙᎯ ᏄᎵᏍᏔᏁ ᎯᎠ ᏧᎾᏕᎶᏆᏍᏗᎢ Midwest City Carl Albert ᎦᎸᎳᏗ ᏧᎾᏕᎶᏆᏍᏗ ᎠᎴ ᏍᏗᎵᏪᎵ. ᎤᏑᎵᎪ ᎠᎴ ᏙᎢ ᏄᏛᏁᎴᎢ ᎾᎿ ᏓᏘᏂᏙᎲᎢ ᎾᏍᎩ ᏐᏁᎳᏚ ᎢᏍᎪᎯᏧᏈ ᏐᏁᎳᏍᎪ ᏐᏁᎳ ᎤᏕᏘᏴᏌᏗᏒᎢ, ᎤᎵᏍᎪᎸᏔᏁ ᎤᏩᏌ ᎾᏍᎩ ᎤᎾᏓᏤᏟᏗ ᏗᎾᏕᎶᏆᏍᎩ ᏧᏪᏲᏗ ᎯᎠ ᏍᏗᎵᏪᎵ.
ᎠᎴᏅᏗᏍᎬ, ᎾᏍᎩ ᎠᏓᏁᎸᏊ ᎢᎦ ᏙᏛᏃᏍᏔᏂᏒ Claphan, ᎠᏎᏍᎩᏂ von Schamann ᎤᏁᏨᎢ, ᎾᏃ ᎣᏂ ᏚᏙᎥ ᎤᏃᏴᎬ ᎣᏍᏓ ᏄᎵᏍᏓᏁᎸ ᎯᎠ Camp ᏧᏙᏍᏙᏗᎢ. ᎾᏍᎩᏃ ᎤᎾᎵᎪᎯ ᎨᏎ ᎯᎠ OU ᏥᏓᎾᏕᎶᏆᏍᎨᎢ, von Schamann ᎤᏛᏁ ᎤᏩᏌ ᎠᎴ Claphan ᎠᎾᏓᎪᎾᏗᏍᎩ ᎨᏒ ᎾᎿ NFL ᏅᏗᎦᎵᏍᏙᏗ von Schamann ᎠᏴᏖᏍᎬ ᎨᏒ ᎯᎠ ᏗᎾᏁᎶᎲᏍᎩ Miami Dolphins ᎾᏃ Claphan ᎯᎠ ᎨᏒᎢ Chargers.
“ᎢᎦ ᎣᏍᏓ ᎣᎩᏁᎵᎢ ᎨᏒ, ᎠᎴ ᏂᏙᏍᏓᏁᎶᎲᏍᎬᎾ ᏱᎩ ᎣᎩᎾᎵᎪᏒᎢ, ᎾᎥ ᎣᎩᏁᎵ ᎨᏒᎢ,” ᎤᏛᏅᎢ.
ᎾᏍᎩ J.D. McCarty ᎠᏰᏟ ᎤᎾᏩᏛᎲᎢ ᏐᏁᎳᏚ ᎢᏍᎪᎯᏧᏈ ᏅᎩᏍᎪ ᏑᏓᎵ ᎤᏕᏘᏴᏌᏗᏒᎢ ᎯᎠ ᎤᏂᏁᏗ ᎣᏍᏓ ᎨᏒ cerebral palsy. ᎾᏍᎩᏃ ᏂᏛᎬᏩᏓᎴᏅᏓ, ᎯᎠ ᏧᏂᏢᎩ ᎤᏓᏃᏌ ᏓᏂᏍᏕᎸᏙᏗᏍᎬ ᎠᏂᏩᏗᏍᎬ ᎦᎵᏆᏍᎪ ᎤᎶᏒᏍᏗ ᏃᏊ ᎢᏳᏓᎴ ᎤᏂᏩᏛᎯ ᎾᏍᎩ ᎡᎵ ᎤᎾᏌ ᎬᏩᎾᎵᏍᏕᎸᏗ ᏂᎨᏒᎾ ᎨᏒ ᎢᎦᏓ ᎠᏂᏲᎤᏢᎢ.