New Echota celebrates 50th year as landmark
CALHOUN, Ga. – The Cherokee Nation Tribal Council approved a resolution April 16 to “commend the preservation” of the New Echota Historic Site, which opened 50 years ago as a Georgia historical landmark.
New Echota served as the CN capital from 1825 to 1832 before the tribe’s government was forced to move its capital to nearby Red Clay, Tenn. The site is where the Cherokee Phoenix newspaper was born and first printed. It is also where the Treaty of New Echota was signed by an unauthorized group of Cherokee leaders in December 1835, which gave up remaining Cherokee land in the tribe’s original territory.
Today, the site is an historic site operated by Georgia. The site, now designated a National Historic Landmark, was opened in 1962 after archeologists uncovered 1,700 artifacts and 600 items that belonged to Cherokee people during excavations of the former town.
Today, visitors can see 12 original and reconstructed buildings, including a council house, courthouse, print shop, missionary Samuel Worcester’s home and an 1805 store, as well as outbuildings such as smoke houses, corn cribs and barns. There is also a visitor center at the site.
As part of the site’s 50th anniversary on May 12 The Friends of New Echota Historic Site and New Harmonies will team up to sponsor activities for visitors.
“Without the support of our Friends of New Echota group, New Echota would not be able to offer the great programming activities visitors enjoy throughout the year at our site,” said New Echota Historic Site Manager David Gomez.
New Harmonies, a music group that celebrates American roots music, will sponsor participation by renowned CN citizen and singer Barbara McAllister as part of the program. Singing in both Cherokee and English languages, McAllister will perform two songs.
The Friends of New Echota Historic Site will provide various services for visitors during the 50th anniversary program.
In recognition of New Echota’s 50 years as a public site, dedicated and talented volunteers have designed commemorative calendars, posters and shirts, Gomez said.
“This land was preserved and the park was created because of the initial interest and efforts of local Calhoun and Gordon County citizens over 50 years ago, and the support of the local community over these years is what has made it a success,” he said.
ᎨᎳᎱᏂ, ᏣᏥᏱ – ᎾᏍᎩ ᏣᎳᎩᎯ ᎠᏰᎵ ᏗᏂᎳᏫᎩ ᎤᏂᎶᎯᏍᏔᏅ ᎤᎵᏁᏨ ᎪᏪᎵ ᎧᏬᏂ ᏓᎳᏚᏏᏁ ᎾᏍᎩ “ᎤᎾᏚᏓᎸᏅ ᎤᎾᎵᏏᏅᏙᏗ” ᎾᎿ ᎢᏤ ᎢᏦᏗ ᏂᏧᎵᏍᏔᏅ ᎤᏙᏢᏒ, ᎾᏍᎩ ᎤᎵᏍᏚᎢᏒ ᎯᎦᏍᎪᎯ ᎾᏕᏘᏯ ᎾᎿ ᏣᏥᏱ ᏂᏧᎵᏍᏔᏅ ᎤᏙᏪᎸᎢ.
ᎢᏤ ᎢᏦᏗ ᎤᎯ ᎨᏒ ᏣᎳᎩ ᎠᏰᎵ ᏧᏂᎳᏫᏍᏗ ᏂᏛᎴᏂᏍᎩ ᏁᎳᏚ ᎢᏍᎪᎯᏧᏈ ᎯᏍᎩᏦᏁ ᎤᏕᏘᏴᏌᏗᏒ ᎾᎿ ᏁᎳᏚ ᎢᏍᎪᎯᏧᏈ ᏦᏍᎪᏔᎵ ᎤᏕᏘᏴᏌᏗᏒ ᎢᎪᎯᏓ Ꮟ ᎠᏂᎳᏍᏓᏢ ᏩᏥᎾ ᎤᎬᏫᏳᎯ ᎤᏪᏌᏙᏴ ᏚᎲᎡᎸ ᎾᎥ ᎩᎦᎨ ᎦᏓᏆᎵ, ᏔᎾᏏ. ᎾᎿᏂ ᎤᏕᏅᎢ ᏣᎳᎩ ᏧᎴᎯᏌᏅ ᎪᏪᎵ ᏗᎦᎴᏴᏔᏅ ᎠᎴ ᎢᎬᏱ ᏚᏂᎴᏴᏔᏅᎢ. ᎾᎿᏃ ᎾᏍᏊ ᏚᎾᏠᎯᏍᏔᏅ ᎢᏤ ᎢᏦᏗ ᎾᎿ ᎤᏃᏪᎳᏅ ᎾᎿ ᎨᏥᏁᏤᎸ ᏂᎨᏒᎾ ᎤᎾᏓᏢᎦ ᎾᎿ ᎠᏂᏣᎳᎩ ᏗᎾᏓᏘᏂᏙᎯ ᎾᎿ ᎥᏍᎩᏱ ᎧᎸ ᏁᎳᏚ ᎢᏍᎪᎯᏧᏈ ᏦᏍᎪᎯᏍᎩ ᎤᏕᏘᏴᏌᏗᏒ, ᎾᏍᎩᎾ ᏂᎦᏓ ᎤᎾᏓᏁᎸ ᏄᎵᏍᏔᏅ ᎾᎿ ᎠᏂᏣᎳᎩ ᎦᏓ ᎤᏂᎲ ᎠᏂᎳᏍᏓᏢ ᎤᎾᎴᏅᏔᏅ ᎤᏔᎳᏔ ᎤᏙᏢᏒᎢ.
ᎪᎯᎢᎦ, ᎾᎿ ᏄᎵᏍᏔᏅ Ꮟ ᎤᏙᏢ ᎤᏃᏢᎯᏌᏅ ᏴᏫ ᎤᏂᎪᏩᏛᏗ ᎾᎿ ᏣᏥ ᏍᎦᏚᎩ ᎤᎾᏂᎩᏍᏗᏓ. ᎯᎠ ᎤᏙᏢᏒ, ᎠᏑᏰᏓ ᎬᎾᏕᎾ ᏂᏧᎵᏍᏔᏅ ᎬᏂᎨᏒ ᎢᎬᏁᎯ, ᎤᏂᏍᏚᎢᏒ ᏐᏁᎳᏚ ᎢᏍᎪᎯᏧᏈ ᏑᏓᎵᏍᎪᏔᎵ ᎤᏕᏘᏴᏌᏗᏒ ᎦᏳᎳ ᎤᏂᏩᏛᎲᏅ ᎨᏒ archeologists ᏥᏓᏃᏎᎰᎢ ᎤᏂᏩᏛᎲ ᏌᏊ ᏯᎦᏴᎵ ᎦᎵᏉᎯᏧᏈ ᎢᎦ ᎤᏩᏛᎲᏅ ᎤᏃᏢᏅᏅ ᎠᎴ ᏑᏓᎵᏧᏈ ᎢᎦ ᏐᎢ ᏧᏓᎴᏅᏓ ᎾᏍᎩ ᎠᏂᏣᎳᎩ ᎤᏅᏔᏅᎢ ᎾᎿ ᎦᏚᎲ ᏄᎵᏍᏔᏅᎢ.
ᎪᎯᎢᎦ, ᎠᏁᏙ ᎠᏂᎷᎪ ᎠᏂᎪᏩᏗᏍᎪ ᏔᎳᏚ ᏥᎾᏚᏍᏛ ᎠᎴ ᏗᎪᏢᎯᏌᏅ ᏓᏓᏁᎸᎢ, ᎬᏠᏯᏍᏗ ᏧᏂᎳᏫᏍᏗ ᎠᏓᏁᎸ, ᏧᎾᏓᏱᎵᏓᏍᏗ, ᎪᏪᎵ ᏧᏂᎴᏴᏙᏗ, ᎦᏅᏏᏓ Samuel Worcester’s ᏧᏪᏅᏒ ᎠᎴ ᏁᎳᏚ ᎢᏍᎪᎯᏧᏈ ᎯᏍᎩ ᎤᏕᏘᏴᏌᏗᏒ ᏧᎾᏓᎾᏁᎢ, ᎾᎴᏍᏊ ᏗᎦᏒᏍᏗ ᏓᏓᏁᎸ, ᏎᎷ ᏧᏂᏗᏍᏗ ᎠᎴ ᏐᏈᎵ ᎤᏂᏴᏍᏗᎢ. ᎠᎾᏓᏩᏛᎯᏙ ᎠᏰᏟ ᎪᏢᎯ ᎾᎿ ᎤᏂᎦᏖᏃᎵᏓᏍᏗᎢ ᏧᏓᎴᏅᏓ ᎠᎿᎢ.
ᎾᏍᎩᏃ ᎯᎠ ᎤᏙᏢᏒ ᎯᎦᏍᎪᎯᏁ ᏓᏳᏕᏘᏴᎯ ᎾᎿ ᎠᏂᏍᎬᏘ ᏔᎳᏚᏏᏁ ᎾᎿᏃ ᏧᎾᎵᎢ ᎢᏤ ᎢᏦᏗ ᏂᏧᎵᏍᏔᏅ ᎤᏙᏢᏒ ᎠᎴ ᎢᏤ Harmonies ᏛᎾᎵᎪᏂ ᏛᏂᏍᏕᎸᎯ ᏧᏓᎴᏅᏓ ᎤᏬᏟᏗ ᎢᏳᎾᏛᏗ ᎠᎾᏓᏩᏛᎯᏙᎯ.
“ᎢᏳᏃ ᏂᎪᎩᏍᏕᎵᏍᎬᎾ ᏱᎩ ᏦᎦᎵ ᎾᎿ ᎢᏤ ᎢᏦᏗ, ᎢᏤ ᎢᏦᏗ Ꮭ ᏱᏂᎬᎾᏛᎦ ᎾᏍᎩ ᎢᏳᎾᏛᏗ ᎾᏍᎩᎾ ᎠᎾᏓᏩᏛᎯᏙ ᎣᏍᏓ ᎤᏁᏓᏍᏗ ᏑᏕᏘᏴᏓ ᎠᏟᎢᎵᏒᎢ,” ᎠᏗᏍᎬ ᎢᏤ ᎢᏦᏗ ᏂᏧᎵᏍᏔᏅ ᎤᏙᏢᏒᎢ ᏄᎬᏫᏳᏒᎢ David Gomez ᏧᏙᎩᏓ.
ᎢᏤ Harmonies, ᏗᏂᏃᎩᏍᏗᏍᎩ ᎤᎾᏓᏈᎦ ᎠᎾᎵᎮᎵᎪ ᎠᎹᏰᏟ ᏚᏙᏢᏅ ᏗᎧᏃᎩᏍᏗ, ᏙᏛᏂᏍᏕᎸᎯᏙᎳ ᏣᎳᎩ ᎠᏰᎵ ᎠᏁᎳ ᎠᎴ ᏗᎧᏃᎩᏍᎩ Barber McAllister ᎾᎿ ᎤᏃᏢᏅ ᎤᏂᏍᏓᏩᏛᏍᏙᏗ. ᎢᏧᎳ ᏣᎳᎩ ᎠᎴ ᏲᏁᎦ ᏙᏓᎧᏃᎩᏏ, McAllister ᏔᎵ ᏙᏓᎧᏃᎩᏌ.
ᏧᎾᎵ ᎾᎿ ᎢᏤ ᎢᏦᏗ ᏂᏧᎵᏍᏔᏅ ᎤᏙᏢᏒ ᎾᏍᎩ ᏛᏁᎳᏅ ᎢᎸᏍᎩ ᏳᏓᎴ ᏂᏛᎾᏛᏁᎵ ᎾᏍᎩ ᎠᎾᏓᏩᏛᎯᏙ ᎤᏂᏍᏆᏂᎪᎯᏍᏗ ᎠᎴ ᎤᏂᎪᏩᏛᏗ ᎾᎿ ᎯᎦᏍᎪ ᏧᏕᏘᏴᏓ ᎤᎾᏕᏘᏱᏍᎬ ᎤᏂᏍᏆᎸᎡᎲᎢ.
ᎨᎪᎵᏍᏙᏗ ᎢᏤ ᎢᏦᏗ ᎾᏍᎩᎾ ᎯᎦᏍᎪᎯ ᏧᏕᏘᏴᏓ ᏴᏫ ᎤᏂᎪᏩᏛᏗ ᎤᏙᏢ, ᎠᏂᎦᏟᏯ ᎠᎴ ᎠᏂᎦᏔᎯ ᎠᎾᎵᏍᎪᎸᏗᏍᎬ ᏚᏂᎸᏫᏍᏓᏁᎲ ᎤᏃᏢᏅ ᎤᎾᏅᏓᏗᏍᏙᏗ ᏅᏓ ᏗᏎᏍᏗ, ᎤᏔᏅ ᏗᏟᎶᏍᏗᏓᏂ ᎠᎴ ᏗᎿᏬᎢ, ᎠᏗᏍᎬ Gomez.
“ᎯᎠ ᎦᏙ ᎠᎵᏏᏅᏔᏅ ᎨᏒ ᎠᎴ ᎤᏃᏢᏅ ᏅᏗᎦᎵᏍᏙᏗ ᎤᎵᏍᎨᏓ ᏄᎾᎵᏍᏓᏁᎸ ᏴᏫ ᎠᏁᎲ ᎾᎿ Calhoun ᎠᎴ Gordon ᏗᏍᎦᏚᎩ ᎾᏍᎩ ᎯᎦᏍᎪ ᎤᎶᏒᏍᏓ ᏧᏕᏘᏴᏓ, ᎠᎴᏗᏍᏊ ᎾᎥ ᏗᏍᎦᏚᎩ ᏚᏙᏢᏒ ᎬᏩᏂᏍᏕᎵᏍᎬ ᎬᏂᏂᎫᏍᏓᎥᎢ, ᎤᏛᏅᎢ.