CNF hosts first Cherokee College Prep Institute
TAHLEQUAH, Okla. – Stemming from a partnership with Cherokee Nation Businesses’ Citizen Development Initiative, the Cherokee Nation Foundation in June hosted its inaugural Cherokee College Prep Institute, allowing students to participate in interactive sessions focusing on college preparation.
The institute, held June 17-22 at Sequoyah Schools, let students work with university representatives from across the nation. Students completed college applications, identified scholarship opportunities and explored schools of interest.
“I saw it advertised and I decided that it would be a good first step in getting prepared for college,” said Josh Effary, a 17-year-old Stilwell High School senior. “I had already taken my ACT a couple of times and started filling out scholarship applications, but I knew I needed to do more and it was just a great opportunity to further my knowledge.”
CNF officials launched the program after evaluating when students needed to start planning for college. The CNF has already established the Junior Achievement Program for fifth grade students and the Cherokee Scholars Program for middle school, but didn’t have anything for students entering college.
The CNF – in cooperation with College Horizons, the U.S. Department of Education and the Princeton Review – developed the institute’s curriculum that includes interactive sessions focused on ACT strategies, essay writing, interview skills and time and finance management.
“When we started looking around the United States for programs that were working, we saw that College Horizons was very successful with Native American students, so we collaborated with them in order to do this program this year,” CNF Executive Director Kimberlie Gilliland said.
College Horizons is a non-profit organization supporting the higher education of American Indian, Alaska Native and Native Hawaiian students by providing college and graduate admissions workshops.
During the institute’s five days, Sequoyah hosted 42 resident and nine commuter students.
“We had a phenomenal number of students. They came in well prepared. They were incredibly disciplined,” Gilliland said. “Some of our days were from 6 in the morning to 8:30 at night. They were hard working and diligent. We were very pleased that we had almost 50 percent male and female, especially with college retention rates with our Native American male population.”
College and scholarship representatives also helped the students by answering questions. Representatives from the American Indian College Fund, Northeastern State University, Princeton Review, Etiquette School of Tulsa, Texas Christian University, University of Arkansas, Oklahoma State University, Yale University, Dartmouth College, University of Oklahoma, Rogers State University, University of Central Arkansas and the University of Pennsylvania attended.
“I think the best part of the program was just being able to be there and talk to a college rep,” Effary said. “They were there with us all week and it was just open questions. If we had a question, most of the time they could answer them. ”
Participants were also assigned a CNF counselor to help them throughout their academic careers. For researching colleges and universities, students were given a website and advised to look at schools that fit their career choices.
“One thing they told us to do was to make sure we research our colleges and to find the best fit for us,” Effary said. “The one that we think would best suite what we want to do in life, and I’m still in the process of doing that research.”
Students also traveled to the University of Tulsa where student ambassadors gave a presentation and campus tour. The institute concluded with a ceremony to congratulate students on their success and distribute achievement awards. As part of the program, CNF officials will continue contacting students to help them with college preparations.
“We’re going to meet with them either virtually or in person once a month over the next year to make sure that they are following the appropriate timeline and making deadlines for applications, both scholarship and university,” Gilliland said.
Applications for the second annual Cherokee College Prep Institute will be accepted beginning Jan. 1. Visit www.cherokeenationfoundation.com
918-453-5000, ext. 6139
ᏓᎵᏆ, ᎣᎦᎵᎰᎻ.– ᏂᏓᎬᏩᏓᎴᏅᏓ ᎾᎿ ᏗᎵᎪᏓ ᎨᏒ ᏣᎳᎩ ᎠᏰᎵ ᏗᎦᎸᏫᏍᏓᏁᏗ ᎠᏁᎳ ᎠᎴ ᎠᏙᏢᏍᎬᎢ, ᎾᎿ ᏣᎳᎩ ᎠᏰᎵ ᎤᎵᎫᏍᏛᏛ ᎾᎿ ᏕᎭᎷᏱ ᏥᎧᎸ ᎤᏍᏆᎸᎡᎸ ᏣᎳᎩ ᏩᎦᎸᎳᏗᏴ ᏧᎾᏕᎶᏆᏍᏗ ᎤᎾᏛᏅᎢᏍᏙᏗ ᎤᎾᏕᎶᏆᏍᏗ, ᎾᏍᎩᎾ ᏗᎾᏕᎶᏆᏍᎩ ᎤᏁᎳᏗᏓᏍᏗ ᎾᏍᎩ ᏓᏁᏲᎲᏍᎬ ᏩᎦᎸᎳᏗᏴ Ꮷ,ᏕᎶᏆᏍᏗ ᎾᎾᏛᏁᎲᎢ ᎠᎴ ᎤᎾᏛᏅᎢᏍᏙᏗᎢ.
ᎾᎿ ᏚᎾᏕᏲᏅ, ᎾᏍᎩ ᏕᎭᎷᏱ ᎦᎵᏆᏚᏏᏁ ᏔᎵᏍᎪ ᏔᎵᏁ ᎢᎪᎯᏓ ᎾᎿ ᏏᏉᏲ ᏧᎾᏕᎶᏆᏍᏗ, ᏓᎾᎵᏍᎪᎸᏓᏁᎭ ᏗᎾᏕᎶᏆᏍᎩ ᎢᏧᎳᎭ ᏧᏂᎸᏫᏍᏓᏁᏗ ᏂᏙᏓᏳᎾᏂᎩᏓ ᎾᎿ ᎠᏰᎵ ᏚᏙᏢᏩᏗᏒᎢ. ᏗᎾᏕᎶᏆᏍᎩ ᏓᏍᏂᏍᏆᏗᏍᎬ ᏩᎦᎸᎳᏗᏴ ᏧᎾᏕᎶᏆᏍᏗ ᎠᎧᎵᏏᏐᏗ, ᎤᎾᏑᏰᏍᏗ ᏧᎾᏕᎶᏆᏍᏙᏗ ᏚᏙᏢᏒ ᎠᎴ ᎤᏂᎪᎵᏰᎢᏓᏍᏗ ᏧᎾᏕᎶᏆᏍᏗ ᎤᎵᏍᎬᏓ ᏄᎾᎵᏍᏓᏁᎲᎢ.
“ᎠᎩᎪᎲ ᏕᎦᏃᏣᎸ ᎠᎴ ᏓᏊᎪᏔᏅ ᎾᏍᎩ ᎢᎬᏱ ᎠᎳᏍᎬᏍᏗ ᎾᎿ ᎠᏛᏅᎢᏍᏙᏗ ᏩᎦᎸᎳᏗᏴ ᏧᎾᏕᎶᏆᏍᏗ ᏗᏆᏕᎶᏆᏍᏗᎢ,” ᎤᏛᏅ Josh Effary, ᎦᎵᏆᏚ ᎢᏳᏕᏘᏴᏓ ᏓᏫᏍᎦᏕ ᎦᎸᎳᏗ ᏧᎾᏕᎶᏆᏍᏗ ᏗᏕᎶᏆᏍᎩᏔᎳᏚᏏᏁ ᏗᎦᏂᏙᎯ. “ ᎦᏳᎳ ᎠᎩᎩᏓ ᎨᏒ ᎾᎿ ACT ᏣᏃᏎᎰ ᏔᎵᎭ ᎢᏳᏩᎪᏗ ᎠᎴ ᎠᏆᎴᏅᎲ ᏕᏥᎧᎵᏏᏏᏍᎩ ᏗᏕᎶᏆᏍᏙᏗ ᎠᎾᏓᏁᏢᏍᎬ ᎪᏪᎵ, ᎠᏆᏅᏛ ᎤᎪᏛ ᏯᏆᏛᏗ ᎨᏒ ᎠᎴ ᎾᏍᎩ ᎢᎦ ᎠᏆᏠᏅᏓᏕᎸᎩ ᎾᎿ ᎤᎪᏙᎯᏍᏗ ᎠᏆᏅᏛᎢ.”
CNF ᎠᎾᏓᏅᏖᎵᏙ ᎤᎾᎴᏅᎲ ᎯᎠ ᎾᎾᏛᏁᎲ ᎾᎿ ᎤᏂᎦᏛᏂᏙᎳ ᎢᏳᏍᏗ ᏗᎾᏕᎶᏆᏍᎩ ᎤᏂᏂᎬᎬ ᏃᏊ ᎤᎾᎴᏅᎮ ᏓᎾᏛᏅᎢᏍᏓᏁᎲ ᏧᏁᏲᏗ ᎠᎾᏛᏅᎢᏍᏗᏍᎬ ᏭᎾᎴᏅᏙᏗ ᏩᎦᎸᎳᏗᏴ ᏧᎾᏕᎶᏆᏍᏗᎢ. ᎾᎿ CNF ᎦᏳᎳ ᏓᎾᏕᏲᎲᏍᎪ ᎾᎿ Junior ᎤᏂᏍᏆᏛ ᎤᎾᏕᎶᏆᏍᏙᏗ ᎾᎿ ᎯᏍᎩᏁ ᏗᏂᏂᏙ ᏗᎾᏕᎶᏆᏍᎩ ᎠᎴ ᏣᎳᎩ ᏗᎾᏕᎶᏆᏍᎩ ᎤᎾᏙᏢᎯ ᎠᏰᏟ ᏧᎾᏕᎶᏆᏍᏗ, ᎠᏎᏃ Ꮭ ᎪᎱᏍᏗ ᏳᏂᎭ ᎾᎿ ᏩᎦᎸᎳᏗᏴ ᏧᎾᏕᎶᏆᏍᏗ ᏩᎾᎴᏂᏍᎩ.
ᎾᎿ CNF-- ᎤᎾᎵᎪᏗ ᎾᎿ ᏩᎦᎸᎳᏗᏴ Horizons, ᎾᎿ ᎠᎹᏱᏟ ᏚᏙᏢᏒ ᎾᎿ ᏧᎾᏕᎶᏆᏍᏗ ᎠᎴ Princeton ᎤᏂᎪᎵᏰᏓ-- ᏗᎪᏢᏅ ᎾᎿ ᎤᎾᏙᏢᏒ ᏧᎾᏕᎶᏆᏍᏙᏗ ᎾᏍᎩ ᎠᏠᏯᏍᏗ ᎢᏳᎾᏛᏁᎵᏓᏍᏗ ᏗᎪᏪᎵ ACT ᎤᎬᏩᏟ, ᏗᎪᏪᎶᏗ, ᎠᏛᏛᎮᏢᏍᎩ ᎠᏕᎶᏆᏍᏗ, ᎠᏟᎢᎵᏒ, ᎠᎴ ᎠᏕᎳ ᎢᏗᎬᏁᎵᏓᏍᏗᎢ.
“ᎾᎿᏃ ᏦᎦᎴᏅᎲ ᎣᏥᎦᏖᏃᎲ ᎠᎹᏱᏟ ᎾᎿ ᏚᎾᏙᏢᏒ ᎾᎿ ᏙᎩᎸᏫᏍᏓᏁᎲ, ᎣᎩᎪᎲ ᎾᎿ ᏩᎦᎸᎳᏗᏴ ᏧᎾᏕᎶᏆᏍᏗ Horizons ᎣᏍᏓ ᎤᏟᎢᎸᏒ ᎾᏍᎩ ᎠᏁᎯᏯ ᎠᎹᏱᏟ ᎠᏁᎲ ᏗᎾᏕᎶᏆᏍᎩ, ᎾᏍᎩᎾ ᏙᎦᎵᎪᏅ ᎾᎿ ᎯᎠ ᎢᏳᎾᏛᏁᎵᏓᏍᏗ ᎯᎠ ᏧᏕᏘᏴᏌᏓ,” CNF ᏗᎫᎪᏔᏂᏙ ᏗᏎᎮᎵᏙ Kimberlie Gilliland ᎤᏛᏅ.
ᏩᎦᎸᎳᏗᏴ Horizons ᎾᏍᎩ Ꮭ ᎠᏕᎳ ᎠᏃᏢᏍᎩ ᎤᎾᏓᏡᎩ ᏓᏂᏍᏕᎵᏍᎪ ᎦᎸᎳᏗᏢ ᏗᏂᏂᏙ ᎾᎿ ᎠᎹᏱᏟ ᎠᏂᏴᏫᏯ, Alaska ᎠᏁᎯᏯ ᎠᎴ ᎠᏁᎯᏯ HawaiianᎢ ᏗᎾᏕᎶᏆᏍᎩ ᎣᏣᏁᏢᏍᎬ ᏩᎦᎸᎳᏗᏴ ᏧᎾᏕᎶᏆᏍᏗ ᎠᎴ ᏗᏂᏍᏆᏗᏍᎩ ᏧᎾᏕᎶᏆᏍᏗ ᏓᏙᏢᏍᎪᎢ.
ᏥᏙᏤᏙᎯ ᎾᎿ ᎠᏕᎶᏆᏍᏗ ᎯᏍᎩ ᎢᎦ, ᏏᏉᏲ ᎠᏁᎯ ᏚᏂᏍᏕᎸᎲ ᏅᎩᏍᎪ ᏔᎵ ᏯᏂ ᎾᎿ ᎠᏁᎯ ᎠᎴ ᏐᏁᎳ ᏯᏂ ᎠᎾᏓᏩᏛᎯᏙᎯ ᏗᎾᏕᎶᏆᏍᎩ.
“ᏙᎯᏳ Ꭴ.ᏂᎪᏓ ᏗᎾᏕᎶᏆᏍᎩ ᎨᏒ. ᎤᏂᎷᏨ ᎤᎾᏛᏅᎢᏍᏗ. ᎤᏃᎯᏳᎯᏍᏓ ᎨᏒ,” ᎠᏗᏍᎬ Gilliland. “ᎢᎦᏓᏃ ᏙᎩᎸᏫᏍᏓᏁᎲ ᎾᎿ ᏑᏓᎵ ᎠᏟᎢᎵᏒ ᎣᏣᎴᏂᏍᎩ ᏌᎾᎴ ᏧᏁᎳ ᎠᏰᏟ ᎢᎪᎯᏓ ᎤᏒᏗᏟ. ᏍᏓᏯ ᏧᏂᎸᏫᏍᏓᏁᎯ ᎠᎴ ᎤᎾᏛᏅᎢᏍᏓ ᎨᏒᎢ. ᎣᏍᏓ ᎣᎩᏰᎸᏒ ᎯᎦᏍᎪ percent ᎠᏁᏙᎲ ᎠᏂᏧᏣ ᎠᎴ ᎠᏂᎨᏳᏣ, ᏙᎯᏳ ᎾᏍᎩ ᏗᎾᏕᎶᏆᏍᎩᏓᎳᎬᏩᏝᏂᏙᎲ ᎾᎿ ᎠᏂᎯᏯ ᎠᎹᎵᎧ ᎠᏂᎰᏣ ᏓᏁᎶᏗᏍᎬᎢ.”
ᏩᎦᎸᎳᏗᏴ ᏧᎾᏕᎶᏆᏍᏗ ᎠᎴ ᏧᎾᏕᎶᏆᏍᏙᏗ ᏗᎨᏥᏁᏗ ᏗᏂᏍᏕᎸᎯᏙᎰ ᏗᎾᏕᎶᏆᏍᎩ ᏓᎾᏬᎯᎸᏴᎡᎲ ᎠᎾᏛᏛᎮᏢᏍᎬ ᏗᎾᏕᎶᏆᏍᎩ.
ᏗᏂᏍᏕᎸᎯᏙ ᎾᎿ ᎠᎹᎵᎧ ᎠᏂᏴᏫᏯ ᏩᎦᎸᎳᏴ ᎠᏕᎳ ᎠᎾᎵᏍᎪᎸᏗᏍᎩ, ᎤᏴᏢᎧᎸᎬ ᏍᎦᏚᎩ ᏧᎾᏕᎶᏆᏍᏗ, Princeton Review, Etiquette ᏧᎾᏕᎶᏆᏍᏗ ᏔᎳᏏ, ᏅᏓᎦ ᏧᎾᏁᎶᏗ ᏧᎾᏕᎶᏆᏍᏗ, ᏧᎾᏕᎶᏆᏍᏗ ᎾᎿ ᏙᏧᏯᏓᏛ, ᎣᎦᎵᎰᎻ ᏍᎦᏚᎩ ᏧᎾᏕᎶᏆᏍᏗ, Yale ᏧᎾᏕᎶᏆᏍᏗ, Dartmouth ᏩᎦᎸᎳᏗᏴ ᏧᎾᏕᎶᏆᏍᏗ, ᏧᎾᏕᎶᏆᏍᏗ ᎾᎿ ᎣᎦᎵᎰᎻ, ᎳᏥ ᏍᎦᏚᎩ ᏧᎾᏕᎶᏆᏍᏗ, ᏧᎾᏕᎶᏆᏍᏗ ᎠᏰᏟ ᏙᏧᏯᏓᏛ ᎠᎴ ᏧᎾᏕᎶᏆᏍᏗ ᎾᎿ Pennsylvania ᏧᎾᏕᎶᏆᎥᎢ.
“ᎨᎵᎠ ᎣᏒ ᎨᏒ ᎾᎿ ᎤᏙᏢᏒ ᏗᏟᏃᎮᏙᏗ ᎯᎠ ᏧᎾᏕᎶᏆᏍᎩ,” ᎠᏗᏍᎬ Effray. “ ᎠᏁᏙᎲ ᏂᎦᏓ ᏒᎾᏙᏓᏆᏍᏗ ᎢᎪᎯᏓ ᎠᎴ ᎠᎾᏛᏛᎮᏢᏍᎬ. ᎣᎦᏛᏗ ᏲᎦᏚᎢ, ᎣᏏ ᎠᎾᏬᎯᎵᏴᏍᎬᎢ.”
ᎠᏁᎳᏗᏙ ᎨᏥᏁᏤᎸ ᎨᏒ ᎾᎿ CNF ᏧᏂᏍᏕᎵᎯᏓᏍᏗ ᎾᎿ ᎠᏁᏙᎲ ᎤᎾᏑᏰᏓ ᎢᏳᎾᏛᏗᎢ.
ᎾᏍᎩᎾ ᎤᏂᏲᎲ ᏩᎦᎸᎳᏗᏴ ᏧᎾᏕᎶᏆᏍᏗ, ᏗᎾᏕᎶᏆᏍᎩ ᎬᏥᏁᎸ ᎤᏂᎳᏛ ᎠᎴ ᎨᏥᏂᏫᏍᏓᎾ ᏧᎾᏕᎶᏆᏍᏗ ᎤᎾᎦᏎᏍᏙᏗ ᎾᏍᎩ ᎤᎾᏕᎵᏍᎬ ᎤᏳᎾᏛᏗᎢ.
“ᏌᏊ ᎢᏳᏓᎴ ᎣᎩᏃᎯᏎᎸ ᏯᎦᏛᏁᏗ ᏙᎯᏳ ᎣᎦᏅᏓ ᎣᎩᎪᎵᏰᏗ ᏧᎾᏕᎶᏆᏍᏗ ᎠᎴ ᎣᎩᏩᏛᏗ ᎣᏍᏓ ᎨᏒ ᎣᎬᏙᏗ,” ᎠᏗᏍᎬ Effary. “ᎾᏍᎩᎾ ᎣᏤᎵᏍᎬ ᎣᏍᏓ ᎨᏒ ᎾᎿ ᎣᎩᎩᏍᏗ ᎣᎬᏙᏗ ᎣᏣᎴᏂᏙᎲ, ᎠᎴ Ꮟ ᎠᏯ ᏥᎪᎵᏰᎢᏙ ᏙᎯᏳ ᎣᏍᏓ ᎨᏒ ᎠᎩᏩᏛᏗᎢ.”
ᏗᎾᏕᎶᏆᏍᎩ ᎠᎾᏂᎩᏍᎪ ᎾᎿ ᏧᎾᏕᎶᏆᏍᏗ ᏔᎳᏏ ᎾᎿ ᏗᎾᏕᎶᏆᏍᎩ ᎨᏥᏅᏏᏓ ᎤᏂᏬᏂᎯᏍᏗ ᎠᎴ ᎤᏂᎪᎵᏰᎢᏓᏍᏗᎢ. ᎾᎿ ᎤᏙᏢᏒ ᎠᏠᏯᏍᏗ ᎬᎦᎵᎡᎵᎪ ᏗᎾᏕᎶᏆᏍᎩ ᎠᎾᏕᎶᏆᏍᎬ ᎠᎴ ᎠᎾᎵᏍᎪᎸᏗᏍᎬ ᎤᎾᏕᎶᏆᎥ ᎨᎦᎵᎡᎵᏍᏗᏍᎪᎢ. ᎾᎿ ᎤᎾᏙᏢᎯ, CNF ᏅᏂᎬᏩᏳᏒ ᏂᎬᏂᏱᎵᏎᏍᏗ ᏓᎾᏕᎪᏗᏍᎬ ᏗᎾᏕᎶᏆᏍᎩ ᏧᏂᏍᏕᎸᏗ ᎾᎿ ᎠᎾᏛᏅᎢᏍᏗᏍᎬ ᎦᎸᎳᏗ ᏧᎾᏕᎶᏆᏍᏗᎢ.
“ᏙᏓᏲᏣᏠᏏ ᎾᎿ ᏗᎾᏕᎶᏆᏍᎩ ᏙᏣᏟᏃᎮᏗᏍᎩᏍᏗ ᎠᎴ ᎤᏅᏌ ᎨᏒ ᏌᏊ ᎢᏳᏩᎪᏗ ᏏᏅᏓ ᎨᏒᎢ ᎾᏍᎩ ᏑᏕᏘᏴᏓ ᎢᎪᎯᏓ ᎠᏕᎶᎰᎯᏍᏗ ᏯᏂᏍᏓᏩᏛ ᎾᎿ ᎠᏟᎶᎥ ᎠᎴ ᏓᏟᎶᎥ ᎪᏪᎵ ᏧᎷᎯᏍᏗ ᏓᏂᏢᏍᎬ, ᎢᏧᎳ ᎪᏪᎳ ᎠᎴ ᏧᎾᏕᎶᏆᏍᏗᎢ,” ᎠᏗᏍᎬ Gilliland.
ᎪᏪᎵ ᏗᎧᎵᏏᏐᏗ ᎾᏍᎩ ᏔᎵᏁ ᎤᏂᏴᏍᏙᏗ ᏣᎳᎩ ᎦᎸᎳᏗ ᎤᎾᎵᏏᎾᎲᏍᏙᏗ ᏧᎾᏕᎶᏆᏍᏗ ᎨᏥᏯᏅᏙᏗ ᎠᏓᎴᏂᏍᎩ ᎤᏃᎸᏔᏂ ᎢᎬᏱ. ᎦᎯᏩᏛᎯᏙᎸ www.cherokeenationfoundation.com ᎤᎪᏛ ᏲᏚᎵ ᎠᏕᎶᎰᎯᏍᏗᎢ.