CN, Gilcrease Museum to create special tribal exhibition
TULSA, Okla. – Cherokee Nation officials announced a six-figure partnership with Gilcrease Museum on Sept. 11 to create a special Cherokee exhibition in 2017.
The exhibition will display an estimated 100 items of Cherokee history from the museum’s collections. To help fund the exhibition, CN officials donated $100,000 to the museum during a ceremony.
“We are celebrating a new milestone with the Cherokee Nation with an effort to provide more education about the emergence of the Cherokee Nation following removal – a very amazing story of unification that has led to growth that has led to a remarkably vibrant Cherokee Nation today,” University of Tulsa President Steadman Upham said. “We take seriously the stewardship charge of all of the records we keep.”
The City of Tulsa owns the museum, but the university has operated it since 2008.
The museum possesses 11 lineal feet of the John Ross Papers that chronicle major events during the former principal chief’s life, including the tribe’s struggle against forced removal to Indian Territory in 1838-39, internal violence with post-removal factionalism, the tribe’s unification, the Nation’s rebuilding in Indian Territory and the American Civil War that devastated it.
Duane H. King, director of the museum’s Helmerich Center for American Research, said the dates that will be covered by the “Emergence of Cherokee Nation in Indian Territory” exhibition are 1828-66, which coincide with Ross’ tenure. Ross was principal chief for 38 years, longer than any other person in tribal history.
“It’s commendable that the leadership of the Cherokee Nation...understand the importance of education and the importance of sharing the Cherokee story with the world,” King said. “Our partnership and collaboration with the CN will last many years.”
Principal Chief Bill John Baker said the donation is a way he and the Tribal Council can fulfill part of their oaths of office to carry on “the culture, heritage, traditions and language” of the Cherokee people.
“This is one small way we can help fulfill our obligation with good partners that we know will tell the story accurately – will tell the story that will allow people to come and learn a little more about who we are as a people, about who we are as a tribe, about where we came from and about where we’re going,” Baker said. “It’s absolutely our honor and privilege to work with Gilcrease and with TU to carry on a mission that is a passion to all concerned.”
Most items for the exhibition will come from the Gilcrease collection, but museum officials also plan to showcase significant Cherokee items from other museums. Among the items slated for display are portraits of famous Cherokee leaders and other art and artifacts reflecting the emergence of the CN in Indian Territory.
Museum officials will work with Cherokee Nation Cultural Tourism in the exhibition’s development. Much of CNCT’s work during the past six years has been on the time period in Cherokee history that will be showcased in the exhibition.
In November 2013, CN officials contributed a collection of more than 2,000 pages handwritten by Ross for preservation. The project complements an ongoing partnership between Cherokee language translators and Gilcrease Museum to translate Cherokee documents to English for the first time.
“The story of the emergence of the Cherokee Nation in Indian Territory is the story of triumph over adversity. It’s the story of success in the face of tragedy, and it’s one of the most poignant accounts in the annals of recorded history,” King said. “It’s a story we want to share with the public, and we believe it will generate considerable interest locally, regionally and nationally.”
Gilcrease Museum is one of the country’s leading facilities for the preservation and study of American art and history. It houses a large collection of Native American art and artifacts as well as thousands of historical documents, maps and manuscripts. For more information, visit www.gilcrease.utulsa.edu
or call 918-596-2700.
ᏔᎳᏏ, ᎣᎦᎵᎰᎹ. – ᏣᎳᎩ ᎠᏰᎵ ᎠᏂᏁᏥᏙ ᎬᏂᎨᏒ ᏄᏅᏁᎸᎾᎿ ᏑᏓᎵ ᏗᏎᏍᏗ ᏗᎪᏪᎵ ᎤᎾᎵᎪᏗ Gilcrease ᎤᏪᏘ ᎤᏂᏍᏆᏂᎪᏙᏗ ᏚᎵᏍᏗ ᏌᏚᏏᏁ ᎪᏢᏗ ᎤᏓᏤᏟᏓ ᎠᏂᏣᎳᎩ ᎬᏂᎨᏒ ᎢᎬᏗ ᏄᎵᏍᏔᏅᏍᏔᏅᎢ ᎾᏍᎩ ᏔᎵ ᏯᎦᏴᎵ ᎦᎵᏆᏚ ᎤᏕᏘᏴᏌᏗᏒᎢ.
ᎬᏂᎨᏒ ᎾᏅᏁᎸ ᎤᏂᏝᎾᎡᏍᏗ ᏯᏛᎾ ᏍᎪᎯᏧᏢ ᎢᎦ ᏧᏓᎴᏅᏓ ᎠᏂᏣᎳᎩ ᏄᎾᏛᏁᎸᏍᏔᏅ ᏂᏓᏳᏓᎴᏅ ᎤᏂᏍᏆᏂᎪᏗᏓᏅ ᎤᏂᏟᏌᏅᎢ. ᎤᏂᏍᏕᎸᏙᏗ ᎠᎾᎵᏍᎪᎸᏗᏍᎬ ᎾᎿ ᎤᏂᏝᎾᎥᎢ, ᏣᎳᎩ ᎠᏰᎵ ᎠᏂᏁᏥᏙ ᎤᎾᎵᏍᎪᎸᏔᏅ ᏌᏊ ᏯᎦᏴᎵ ᎾᎿ ᎤᏂᏍᏆᏂᎪᏔᏅᎲᏍᏗᎢ ᎾᎯᏳ ᏓᎾᏠᏍᎬᎢ.
ᎣᏣᎵᎮᎵᎦ ᎾᎿ ᎢᏤ ᎢᏓᎴᏂ ᎾᎿ ᏣᎳᎩ ᎠᏰᎵ ᎾᏍᎩ ᎠᏁᎸᏍᎩ ᎤᎪᏛ ᎠᏕᎶᏆᏍᏗ ᎢᏳᏍᏗ ᎨᏒ ᎤᎾᏄᎪᏨ ᎾᎿ ᏣᎳᎩ ᎠᏰᎵ ᎤᏍᏓᏩᏛᏗ ᎨᏥᏱᎳᏫᏛᎲᎢ-- ᎢᎦ ᎤᏍᏆᏂᎪᏛ ᎧᏃᎮᎸ ᏄᎵᏍᏔᏅᏅ ᎢᎦ ᎤᏛᏌ ᎾᎿ ᎤᏍᏆᏂᎪᏗ ᎤᏁᏉᏨ ᏣᎳᎩ ᎠᏰᎵ ᎪᎯ ᎢᎦ,” University ᎾᎿ ᏔᎳᏏ ᎤᎬᏫᏳᎯ Steadman Upham ᎤᏛᏅ. “ᎤᎵᏍᎨᏓ ᏃᎬᏃ Ꮎ ᎤᎦᏎᏍᏗ ᎾᎿ ᏂᎦᏓ ᎪᏪᎵ ᏧᎵᏍᎨᏓ ᏕᎦᏅᎢ.”
ᎾᏍᎩᏃ ᎦᏚᎲ ᏔᎳᏏ ᎤᏤᎵ ᎾᏍᎩ ᎠᏍᏆᏂᎪᏔᏅᎲᏍᏗ, ᎠᏎᏃ University ᎤᎾᎦᏎᏍᏙ ᏂᏓᎬᏩᏓᎴᏅᏓ ᏔᎵ ᏯᎦᏴᎵ ᏧᏁᎳ.
ᎾᏍᎩᏃ ᎠᏍᏆᏂᎪᏔᏅᎲᏍᏗ ᏚᎾᎢ ᏌᏚ ᎢᎳᏏᏓ ᎢᎦᏅᎯᏓ ᎪᏪᎵ ᎾᏍᎩ ᎫᏫᏍᎫᏫ ᎧᏃᎮᏍᎩ ᎤᏍᏆᏂᎪᏛ ᏄᎵᏍᏔᏂᏙᎸ ᎾᎿ ᎤᎬᏫᏳᎯ ᎤᎴᏂᏙᎸᎢ, ᎠᏠᏯᏍᏗ ᎾᏍᎩ ᎠᏂᎳᏍᏓᏢ ᏍᏓᏯ ᎤᏂᎶᏒ ᎬᏥᏱᎳᏫᏛᎲ ᏕᎨᏥᎧᎲᏒ ᎾᎿ ᎠᏂᏴᏫᏯᏍᏛᏱ ᏕᎨᎦᏘᏃᏢᎢ ᎾᎿ ᏁᎳᏚ ᎢᏍᎪᎯᏧᏈ ᏦᏍᎪ ᏧᏁᎳ ᎠᎴ ᏦᏍᎪ ᏐᏁᎳ ᏚᏕᏘᏴᏌᏗᏒᎢ, ᎤᏦᏎᏗ ᏂᎦᎵᏍᏔᏅᏍᎨ ᎾᎿ ᎤᏂᎷᏣ ᏄᎾᎵᏍᏓᏁᎸᏅ ᎠᏂᎳᏍᏓᏢ ᎤᏂᎶᏒᎢ, ᎾᎿ ᎠᏰᎵ ᎤᏃᏢᎯᏌᏂ ᎠᏂᏴᏫᏯᏍᏛᏱ ᎠᎴ ᎠᎹᎵᎧ ᎤᎦᎾᏮ ᎤᏴᏢ ᏓᎾᏩ ᏧᎾᏟᎴ ᏙᎯᏳ ᎡᏍᎦ ᏄᏅᏁᎴᎢ.
Duane H. King, ᏗᎫᎪᏔᏂᏙ ᎾᏍᎩ ᎠᏍᏆᏂᎪᏔᏅᎲᏍᏗ Helmerich ᎠᏰᏟ ᎾᎿ ᎠᎹᎵᎧ ᎤᏂᎦᏛᏂᏓᏍᏗᏱ, ᎤᏛᏅ ᎢᏴ ᏄᎵᏍᏔᏅ “ᎤᎾᎵᏌᎳᏙᏗ ᏣᎳᎩ ᎠᏰᎵ ᎤᏂᎾᏄᎪᏫᏍᏗ ᎠᏂᏴᏫᏯᏍᏛᏱ” ᎬᏂᎨᏒ ᏄᏅᏁᏍᏗ ᏁᎳᏚ ᎢᏍᎪᎯᏧᏈ ᏔᎵᏍᎪ ᏧᏁᎵ ᎤᏕᏘᏴᏌᏗᏒ ᎠᎴ ᏁᎳᏚ ᎢᏍᎪᎯᏧᏈ ᏑᏓᎵᏍᎪ ᏑᏓᎵ ᎤᏕᏘᏴᏌᏗᏒᎢ ᎢᎪᎯᏓ, ᎾᏍᎩᏍᏊ ᏫᎦᏂᏴᏗ ᎫᏫᏍᎫᏫ ᏄᎵᏍᏓᏁᎸᏅ. ᎫᏫᏍᎫᏫ ᎤᎬᏫᏳᎯ ᎨᏒ ᏦᏍᎪ ᏧᏁᎳ ᏧᏕᏘᏴᏓ, ᏩᎪᎯᎸ ᎤᎬᏫᏳᎯ ᏂᎵᏍᏔᏅ ᎾᏃ ᎢᎴᎯᏳ ᎩᎶ ᎢᏳᎵᏍᏔᏅ ᏂᎨᏒᎾ.
“ᎧᏁᏨᏃ ᎾᎿ ᏗᏓᏘᏂᏙᎯ ᏣᎳᎩ ᎠᏰᎵ…. ᎤᏬᏟᏍᏗ ᏄᎵᏍᎨᏗᏴ ᏗᏕᎶᏆᏍᏗ ᎠᎴ ᎤᎵᏍᎨᏓ ᎠᏂᏣᎳᎩ ᎤᏂᏃᎮᏢᏅ ᏫᏗᎧᏃᎮᏗ ᎡᎶᎯ ᏫᏚᏳᎪᏛᎢ,” ᎠᏗᏍᎬ King. “ᏕᎦᎵᎪᏒ ᎠᎴ ᏌᏊ ᏗᎦᎸᏫᏍᏓᏁᏗ ᎾᏍᎩ ᏣᎳᎩ ᎠᏰᎵ ᎪᎯᏓ ᎨᏎᏍᏗ.”
ᎤᎬᏫᏳᎯ Bill John Baker ᎤᏛᏅ ᎾᎿ ᎤᎾᎵᏍᎪᎸᏔᏅ ᎬᏂᎨᏒ ᎾᏅᏁᎲ ᎾᎿ ᎠᏂᎳᏍᏓᏢ ᏗᏂᎳᏫᎦ ᎠᏂᎧᎵᎢᎲ ᎢᎦᏓ ᎾᎿ ᎤᎾᏎᎵᏔᏅ ᎬᏂᎨᏒ ᎢᏳᏅᏗ “ᎾᏍᎩ ᎢᏳᎾᏛᏁᎵᏓᏍᏗ, ᏗᎦᏓᎴᏅᏅ, ᏂᏧᎵᏍᏔᏅᏍᏔᏅ ᎠᎴ ᎦᏬᏂᎯᏍᏗ” ᎾᏍᎩ ᎠᏂᏣᎳᎩ ᎠᏂᏴᏫ.
“ᎯᎢᏃ ᎦᏲᏟ ᏂᏓᏛᏁᎲ ᎢᏓᎵᏍᏕᎵᏍᎬ ᎢᎩᎧᎵᎢᏍᏗ ᎢᎩᏁᏨ ᎣᏍᏓ ᏗᎵᎪᏓ ᎾᎿ ᎧᏃᎮᏍᎬ ᏚᏳᎪᏛ-- ᎧᏃᎮᏢ ᏄᏍᏛ ᎾᎿ ᎠᎵᏍᎪᎸᏙᏗ ᎠᏂᏴᏫ ᎤᏂᎷᎯᏍᏗ ᎠᎴ ᎤᎾᏕᎶᏆᏍᏗ ᎤᎪᏛ ᎾᏍᎩ ᎨᏒ ᎢᏗᏴᏫ, ᎾᏍᎩ ᎨᏒ ᎢᏗᎳᏍᏓᏢ, ᎾᎿ ᏂᏓᎦᏓᎴᏅ ᎨᏒ ᎠᎴ ᏫᏗᎦᏛᎢ, ᎠᏗᏍᎬ Baker. “ᎤᏙᎯᏳᎯᏯ ᎠᎵᎮᎵᏍᏗ ᎠᎴ ᎢᎦᏜᏅᏓᏕᏃᎲ ᏗᎵᎪ ᏗᎩᎸᏫᏍᏓᏁᏗ ᎾᎿ Gilcrease ᎠᎴ ᎾᏍᏊ TU ᎢᎩᏆᏗ ᎡᎩᏅᏒ ᎾᎿ ᎦᎸᏉᏓ ᏂᎦᏓ ᎤᎵᏍᎨᏓ ᎨᏒᎢ.”
ᏂᎦᏓᏊ ᎢᏳᏍᏗ ᎠᏢᎾᎥ ᎾᏍᎩ ᎠᎪᏩᏛᏗ ᏂᏓᏳᎶᏒ ᎨᏎᏍᏗ Gilcrease ᎤᏂᏍᏆᏂᎪᏛᎢ, ᎠᏎᏃ ᎤᏂᏍᏆᏂᎪᏛ ᏗᏄᎪᏔᏂᏙ ᏚᏄᎪᏓ ᎤᏂᏍᏆᏂᎪᏛ ᎠᏂᏣᎳᎩ ᏂᏓᏳᏓᎴᏅ ᎾᏍᏊ ᏗᏐᎢ ᎤᏂᏍᏆᏂᎪᏔᏅᏗᎢ. ᎢᎦᏓᏃ ᎾᎿ ᎬᏂᎨᏒ ᏂᏛᏅᏁᎵᏒᎢ ᏗᏓᏟᎶᏍᏔᏅ ᏧᏓᏃᏣᏟ ᎠᏣᎳᎩ ᏗᏓᏘᏂᏙᎯ ᎠᎴ ᏗᏐᎢ ᏧᎾᏟᎶᏍᏔᏅᏅ ᎠᎴ ᎤᏂᏩᏛᎲᏅ ᎬᏂᎨᏒ ᎢᎬᏁᎯ ᎾᎿ ᏣᎳᎩ ᎠᏰᎵ ᎠᏛᏍᎬ ᎧᏁᏉᎬ ᎾᎿ ᎠᏂᏴᏫᏯᏍᏛᏱ.
ᎤᏂᏍᏆᏂᎪᏔᏅᎲᏍᏗ ᎠᏂᏁᏥᏙ ᏙᏓᏳᏂᎸᏫᏍᏓᏁᎵ ᏛᎾᎵᎪᏅ ᏣᎳᎩ ᎠᏰᎵ ᏄᎾᏛᏁᎸ ᎠᏂᎦᏖᏃᎵᏙᎯ. ᎤᎪᏛ CNCT’S ᏧᏂᎸᏫᏍᏓᏁᎸ ᎾᎿ ᏑᏓᎵ ᏧᏕᏘᏴᏓ ᎾᏍᎩ ᎾᎾᏛᏁᎲ ᎠᏂᏣᎳᎩᏱ ᏄᎵᏍᏔᏂᏙᎸ ᎾᏍᎩ ᎬᏂᎨᏒ ᏂᎬᏁᏍᏗ.
ᎾᎿ ᏅᏓᏕᏆ ᏔᎵ ᏯᎦᏴᎵ ᏦᎦᏚ ᎤᏕᏘᏴᏌᏗᏒ, ᏣᎳᎩ ᎠᏰᎵ ᎠᏂᏁᏥᏙ ᎤᎾᎵᏍᎪᎸᏔᏅ ᎦᏟᏌᏅ ᎾᎿ ᏔᎵ ᏯᎦᏴᎵ ᏧᎦᏅᏓᏗ ᎤᏬᏯ ᎬᏗ ᏗᎪᏪᎳᏅ ᎫᏫᏍᎫᏫ ᏧᏬᏪᎳᏅ ᏓᏍᏆᏂᎪᏓ. ᎾᏍᎩ ᎯᎠ ᏗᎪᏪᎳᏅ ᎾᎿ ᎠᏂᎵᎪᎲᏍᎦ ᏣᎳᎩ ᎠᏰᎵ ᏧᏂᎸᏫᏍᏓᏁᎯ ᏗᎾᏁᎶᏗᏍᎩ ᎠᎴ Gilcrease ᎤᏂᏍᏆᏂᎪᏔᏅᎲᏍᏗ ᎾᎿ ᏧᎾᏁᎶᏙᏗ ᏣᎳᎩ ᏗᎪᏪᎳᏅ ᎾᎿ ᏲᏁᎦ ᎢᏗᎬᏗᎢ ᎾᏍᎩ ᎢᎬᏱ ᎨᏎᏍᏗ.
“ᎯᎠ ᎧᏃᎮᎸ ᎾᎿ ᎤᎾᏄᎪᏍᏗ ᏣᎳᎩ ᎠᏰᎵ ᎾᎿ ᎠᏂᏴᏫᏯᏍᏛᏱ ᎧᏃᎮᏢ ᎤᏂᏎᎪᎩᏒ ᎾᏍᎩ ᎤᏦᏎᏗ. ᎧᏃᎮᏍᎩ ᏄᎾᏛᏁᎸ ᎾᎿ ᎤᏂᎦᏛᎴᏒ ᎤᏦᏎᏗ, ᎠᎴ ᎾᏍᎩ ᏌᏊ ᏭᎪᏛ ᎤᏦᏎᏗ ᎨᏒ ᎾᎿ ᎪᏪᎳᎾᎥᎢ,” ᎤᏛᏅ King. “ᎾᏍᎩᎾ ᎧᏃᎮᏢ ᎢᎦᏚᎵ ᏭᏂᎪᏛ ᎤᎾᏛᎪᏗᎢ, ᎠᎴ ᎣᎪᎯᏳ ᎤᎵᏗᏢ ᎠᏁᏙ ᎠᎾᏛᎦᏅ ᎾᏍᏊ ᎬᎾᏕᎾ ᎤᏠᏯ ᏂᏓᎦᎵᏍᏔᏅ ᎬᎾᏕᎾ.”
Gilcrease ᎤᏂᏍᏆᏂᎪᏔᏅᎲᏍᏗ ᎾᏍᎩ ᏌᏊ ᎨᏒ ᏧᎾᏃᏣᏟ ᎣᏍᏓ ᎤᏂᏍᏆᏂᎪᏗᏓᏅ ᎾᎿ ᎠᎹᎵᎧ ᎤᏃᏢᏅᏅ ᎠᎴ ᎧᏃᎮᏢᏍᎦ. ᎠᏍᏆᏂᎪᏓ ᎤᎪᏓ ᎦᏟᏌᏅ ᎠᏂᎯᏯ ᎠᎹᎵᎧ ᏧᎾᏟᎶᏍᏔᏅᏅ ᎤᏂᏩᏛᎲᏅ ᎤᏅᏔᏂᏙᎸ ᏃᎴᏍᏊ ᎤᎪᏓ ᎪᏪᎵ ᏗᎪᏪᎳᏅ, ᎡᎶᎯ ᏂᏚᏍᏗᏓᏅ ᎠᎴ ᎤᎵᏍᎨᏓ ᏗᎪᏪᎵ. ᎤᎪᏛ ᎠᏕᎶᎰᎯᏍᏗ ᏲᏚᎵ, visit www.gilcrease.utulsa.edu or call 918-596-2700.