TAHLEQUAH – This year marks 150 years since Sequoyah Schools was established, and it has undergone many changes from its start as an orphanage.
Sequoyah High School teacher and historian Don Franklin said that in 1871 the Cherokee Nation signed a resolution to create the Cherokee Orphan Asylum.
The tribe adopted child care solutions from white America whereas traditionally Cherokees took care of each other’s children so that no child was left without family, according to a “Chronicles of Oklahoma” article.
Relying on kinship networks, Cherokees and other tribes did not create orphanages after the forced removals in the 1830s, when some children were without parents. Remaining families took in children, caring for them as their own.
Under the 1835 Treaty of New Echota, Cherokees were provided an orphan fund of $50,000 after the removal, which they used to create a foster care system that paid families a per diem for children under their care. But this system only worked until the Civil War, which brought about disruption of family life.
“In late 1871 the Cherokee National Council acknowledged the necessity of making the Orphan Fund a standing appropriation,” states the article. “The fund, along with back pay and bonuses due to the families of Cherokee soldiers who died for the Union cause, would pay for an orphanage as well as the staff to run and serve as teachers.”
Though it was an orphanage, tribal leaders “emphasized” it as an educational institution and placed it under the Cherokee Board of Education.
The orphan asylum reached up to as many as 250 children at one time, taking in “true” orphans, children with one living parent who was considered “destitute,” or temporary placement of children whose parents were living but had financial struggles for a short time, the article states.
“There was a spirit of solidarity at the Cherokee orphanage. The children were Cherokee living within their tribal nation, and while school lessons were taught in English and identified with the Euro-American worldview, children were not surrounded by an all-white group of authority figure. The support staff and many of the teachers were Cherokee,” states the article.
Since the orphanage was under the context of an educational facility and financed by the tribe, the Bureau of Indian Affairs had no control and the Cherokee Nation had no obligation to report its activities to the BIA, until 1887 when the Dawes Act came about and attempted to dissolve tribal governments.
In the 1890s, the Curtis Act gave the BIA “supervisory control” of the Nation’s, and other tribes’, educational systems. In 1901, the Cherokee National Council and the Dawes Commission “agreed to terms” that determined the orphanage’s future and the Orphan Fund.
Plans were in place to close the orphanage when a fire destroyed the facility in 1903, leaving more than 140 children homeless. They were moved to establishments that could care for them. Two months later, orphanage staff reorganized the Cherokee Insane Asylum facility to reopen the orphanage.
In 1909, the federal government took over and the orphanage was renamed the Cherokee
Orphan Training School, and the BIA “expanded the manual labor curriculum to include a wider range of domestic science and trade-skill studies.”
Franklin said the school went through two more name changes, Sequoyah Orphan Training School in 1925 and then Sequoyah Vocational School in 1945, when it was opened to students from other tribes. Prior to 1930, it educated children up to the eighth grade. By 1934 it had first through 12th grades.
From 1964 to 2006 it was known as Sequoyah High School. When the Cherokee Immersion School was introduced into the school system, it became Sequoyah Schools, as it is known today.
ᏓᎵᏆ - ᎯᎠ ᎤᏕᏘᏴᏌᏗᏒ ᏓᏙᏪᎵᎠ 150 ᏧᏕᏘᏴᏛ ᏂᏓᎬᏩᏓᏅᏓ ᏏᏉᏲ ᏧᎾᏕᎶᏆᏍᏗ ᎾᏳᏃ ᏧᏃᏢᏅᎢ, ᎠᎴ ᎤᎪᏓ ᎤᏓᏁᏟᏴᏓ ᏚᏪᏘᏅᎢ ᏂᏓᎬᏩᏓᎴᏅᏓ ᎾᏍᎩᎾᎢ ᎤᎾᏓᏂᏯᏛ.
ᏏᏉᏲ ᎦᎸᎳᏗ ᏧᎾᏕᎶᏆᏍᏗ ᏗᏕᏲᎲᏍᎩ ᎠᎴ ᏂᏧᎵᏍᏔᏅᏒ ᎤᎦᏙᎲᏒᎯᎢ Don Franklin ᏄᏪᏒᎩ ᎾᏳᎢ 1871 ᏧᏕᏘᏴᏌᏗᏍᏒ ᎾᏍᎩ ᏣᎳᎩᎯ ᎠᏰᎵ ᎤᏃᏪWᏅ ᎪᏪᎵ ᎠᎵᏁᎩ ᎾᎢ ᎤᏃᏢᏗ ᏣᎳᎩ ᎤᎾᏓᏂᏯᏛ ᎤᎾᏤᎵ ᎠᏌᎳᎻ.
ᎾᏍᎩᏃ ᎤᏂᎳᏍᏓᎸ ᎤᏂᏍᏓᏱᏛ ᎾᏍᎩ ᎠᏲᎵ ᎠᎦᏎᏍᏙᏗ ᎣᏍᏓ ᏱᏗᏛᏁᏗᎢ ᎾᏍᎩ ᏚᏂᏯᏅᎮᎸᎩ ᎠᏂᏲᏁᎦ ᎠᎹᏰᎵ ᎠᏁᎯ ᎬᏂᏳᏉ ᎠᏂᏣᎳᎩ ᎤᏂᎲ ᎢᏳᎾᏛᏁᎵᏓᏍᏗ ᎤᏅᏌ ᏓᎾᎦᏎᏍᏓᏍᎬ ᏗᏂᏲᏟ ᎾᏍᎩᏃ ᎠᏲᎵ ᏏᏓᏁᎸᎢ ᏂᏚᏂᎧᎲᎾ ᏂᎨᏒᎾ ᏱᎩ, ᎾᏍᎩ ᎤᏂᏃᎮᎸᎯ “ᎤᏙᎯᏳ ᏚᏳᎪᏛ ᏗᎪᏪᎳᏅᎢ ᎥᎿᎢ ᎣᎦᎳᎰᎻ” ᏕᎦᏃᏣᏝᏅᎯ.
ᎤᏂᏠᏱᏊ ᏓᎾᎵᏍᎦᏍᏗᏍᎬ ᎾᏍᎩ ᏓᎾᏓᏍᏕᎵᏍᎬᎢ, ᎠᏂᏣᎳᎩ ᎠᎴ ᏐᎢ ᏓᏂᎳᏍᏓᎸ Ꮭ ᏱᏚᏃᏢᏁᎢ ᏧᎾᏓᏂᏴᏯᏛ ᏗᎨᏥᏍᏆᏂᎪᏙᏗᎢ ᎾᏍᎩ ᏙᏓᎨᏥᏱᎸᏍᏔᏅ ᎤᎶᏐᎾ ᎾᎯᏳᎢ 1830s ᏧᏚᏕᏘᏴᏌᏗᏍᏒ, ᎾᎯᏳ ᎢᎦᏓ ᏗᏂᏲᏟ Ꮭ ᏧᏂᎦᏴᎵᎨ ᏱᏚᏂᎧᎮᎢ. ᏏᏓᏁᎸᎢ ᎤᎾᎵᏃᎯᏴ ᏓᏂᏯᏂᏍᎨ ᏗᏂᏲᏟ, ᎾᏍᎩ ᏓᎾᏘᏅᏍᎨ ᎾᏍᎩ ᎤᏅᏌᏊ ᏚᎾᏓᏘᎾᎲ ᎢᏳᏍᏗ ᎨᏎᎢ.
ᎾᏍᎩ 1835 ᏧᏕᏘᏴᏌᏗᏍᏒ ᎧᏃᎮᏛ ᏚᎾᏠᎯᏍᏔᏅ ᎾᎿᎢ ᎢᏤ ᎢᏦᏗ, ᎠᏂᏣᎳᎩ ᎨᎦᏓᏁᎳᏁᎸ $50,000 ᎠᏕᎸᎢᎾᏍᎩ ᎤᎾᏓᏂᏯᏛ ᎠᏕᎳ ᎤᎾᏓᏁᏜᏅ ᎤᎾᎵᏍᏕᎸᏙᏗ ᎾᏍᎩ ᏗᎨᏥᏱᎸᏍᏔᏅ ᎤᎶᏐᏅᎢ, ᎾᏍᎩᏃ ᏚᏅᏔᏁ ᎤᏃᏢᏔᏁ ᎤᎾᏓᏂᏯᏛ ᏗᎦᏎᏍᏙᏗ ᏄᏍᏗᏓᏅ ᎾᏍᎩ ᏏᏓᏁᎸᎢ ᏓᎾᏈᏴᎮᎲ ᎢᎦᎢ ᏏᎦ ᏗᎬᏩᎶᏔᏅᎯ ᎾᏍᎩᎾ ᏗᏂᏲᏟ ᏚᎾᎦᏎᏍᏛᎢ. ᎠᏎᏃ ᎯᎠ ᏄᏍᏗᏓᏅᎢ ᎣᏍᏓ ᏚᎸᏫᏍᏓᏁᎸᎩ ᎩᎳᏃ ᎤᏴᏢ ᎠᎴ ᎤᎦᎾᏮ ᏓᎿᏩ ᏧᎾᏟᎸᎢ ᎾᏍᎩ ᎢᎪᎯᏓ ᏚᏪᏘᏅᎩ, ᎾᏍᎩᎾ ᏏᏓᏁᎸᎢ ᎤᏂᎲ ᎤᎾᏦᏎᏓᏁᎸᎩ.
“ᎾᏳᎢ ᎤᎵᏍᏆᏗᏕᎾ 1871 ᏧᏕᏘᏴᏌᏗᏍᏒ ᎾᏍᎩ ᏣᎳᎩᎯ ᎠᏰᎵ ᏗᏂᎳᏫᎩ ᎤᏃᎯᏳᏔᏅᎩ ᎤᏚᎸᏓ ᏅᏍᏛ ᎤᎾᎵᏍᎪᎸᏙᏗ ᎾᏍᎩ ᎤᎾᏓᏂᏯᏛ ᎠᏕᎳ ᎠᏓᏁᏜᏅᎢ ᎤᏤᎵᏛ ᎤᎾᏓᏁᎳᏅᎩ,” ᎧᏃᎮᎭ ᎾᏍᎩ ᏕᎦᏃᏣᏝᏅᎩ. “ᎾᏍᎩᏃ ᎠᏕᎳ ᎠᏓᏁᏜᏅᎢ, ᎤᏠᏯᏍᏗ ᎾᏍᎩ ᎤᎾᏓᏚᎬ ᎨᎦᏈᏴᎮᎸ ᎠᎴ ᎨᏥᏁᏉᎡᎸᎩ ᎠᏕᎳ ᏂᏗᎦᎵᏍᏙᏗᏍᎬᏃ ᎾᏍᎩ ᏏᏓᏁᎸᎢ ᎠᏂᏣᎳᎩ ᎠᏂᏯᏫᏍᎩ ᏕᎨᏥᎸᎩ ᎾᏍᎩᎾ ᎤᏴᏢᏗᏟ ᎠᎾᎵᏒᎯᎲᎢ, ᎾᏍᎩᏃ ᎤᏓᎯᏕᎴᎢ ᎤᎾᏈᏴᏗ ᎾᏍᎩ ᎤᎾᏓᏂᏯᏛ ᎤᏂᏴᏍᏗᎢ ᎾᏍᎩᏯᏊᏃ ᏧᏂᎸᏫᏍᏓᏁᎯ ᎤᎾᏂᎩᏍᏙᏗ ᎠᎴ ᏧᎾᏕᏲᏗᎢ ᎾᏍᏊ ᎢᏳᎾᏓᏛᏁᏗ ᎨᏒᎢ.”
ᎤᏁᎳᎩᏃ ᎾᏍᏊ ᎤᎾᏓᏂᏯᏛ ᎤᏂᏴᏍᏗᎢ ᏳᎵᏍᏙᏗᎢ, ᏓᏂᎳᏍᏓᏢ ᏗᎾᏓᏘᏂᏙᎯ “ᎤᎵᏍᎨᏓ ᏄᏅᏁᎢ” ᎾᏍᎩ ᏧᎾᏕᎶᏆᏍᏗ ᏧᎾᏕᏲᏗ ᎪᏢᏒᎢ ᎠᎴ ᎠᏫᎾᏗᏟ ᎤᏙᏢᏗᎢ ᎾᏍᎩ ᎠᏂᏣᎳᎩ ᎠᏂᏅ ᏗᏄᎪᏔᏅᏙᎯ ᎾᏍᎩ ᏧᎾᏕᎶᏆᏍᏗᎢ.
ᎾᏍᎩᏃ ᎤᎾᏓᏂᏯᏛ ᏗᎨᏥᏍᏆᏂᎪᏙᏗ ᎠᏌᎳᎻ ᎾᏍᎩ ᏬᎪᏛᎢ 250 ᎢᏯᏂᎢ ᏗᏂᏲᏟ ᏄᏂᏤᎢ, ᎤᎿᎢ “ᏙᏳᎢ”ᎤᎾᏓᏂᏯᏛ ᏓᏂᏯᏂᏍᎬᎢ, ᏗᏂᏲᏟ ᏌᏊ ᎤᏠᏯᏍᏗ ᎤᏓᎦᏴᎵᎨᎢ ᎡᎲᎢ ᎾᏍᎩᎾᎢ ᏄᏍᏛ ᎤᎾᏓᏅᏖᏢᎩ ᎾᏍᎩ “ᎤᏲ ᎢᏳᎾᏛᎿᏕᎩ,” ᎠᎴ ᏞᎦᏊ ᏫᏓᏂᎧᎲᏍᎬ ᏗᏂᏲᏟ ᎾᏍᎩ ᏧᏂᎦᏴᎵᎨᎢ ᎠᏁᎲ ᎠᏎᏃ ᎠᏕᎳ ᎤᏂᏍᏆᎶᏥᏙᎲᎩ ᏍᏓᏯ ᏄᎾᎵᏍᏓᏁᎲᎩ ᎾᏍᎩ ᏞᎦᏊ ᎨᏒᎢ, ᎾᏍᎩ ᏕᎦᏃᏣᏝᏅᎩ ᎧᏃᎮᎭ.
“ᎾᎿᎢ ᏌᏊ ᏄᏅᏁᎢ ᏧᏅᏙᏗᎢ ᎾᏍᎩ ᎠᏂᏣᎳᎩ ᎤᎾᏓᏂᏯᏛ. ᎾᏍᎩᏃ ᏗᏂᏲᏟ ᎾᏍᎩ ᎠᏂᏣᎳᎩ ᎨᏒᎢ ᎠᏁᎲᎢ ᎠᏫᏂᏗᏢ ᎤᏂᎲ ᎠᏂᎳᏍᏓᏢ ᎠᏰᎵ ᎤᎾᏙᏢᏒ, ᎠᎴ ᎾᏍᎩ ᏧᎾᏕᎶᏆᏍᏗ ᏗᎪᏪᎵ ᏓᏁᏲᎲᏍᎬ ᎾᏍᎩ ᎩᎵᏏ ᎬᏗ ᎠᎴ ᎪᏟᏍᏙᏔᏅ ᎤᏠᏯᏍᏗ ᎾᏍᎩ ᏳᎳᏈ-ᎠᎹᏰᎵ ᎡᎶᎯ ᏄᏍᏗᏓᏅᎢ, ᎾᏍᎩ ᎤᎾᏓᏕᏍᏛ ᏗᏂᏲᏟ ᎾᏍᎩ ᏂᎦᎥ-ᎠᏂᏲᏁᎦ ᎤᎾᏓᏡᎬ ᎾᏍᎩ ᏗᎫᎪᏔᏂᏙᎯ ᎠᏍᎦᏰᎬᏍᏓ. ᎾᏍᎩᏃ ᎠᎾᎵᏍᏕᎵᏍᎩ ᏧᏂᎸᏫᏍᏓᏁᎯ ᎠᎴ ᎤᏂᎪᏗ ᏗᎾᏕᏲᎲᏍᎩ ᎠᏂᏣᎳᎩ ᎨᏒᎢ,” ᎧᏃᎮᎭ ᎾᏍᎩ ᏕᎦᏃᏣᏝᏅᎩ.
ᎾᏍᎩᏃ ᎤᎾᏓᏂᏯᏛ ᏥᎨᏒᎩ ᎾᏍᎩ ᏄᏍᏗᏓᏅ ᎭᏫᏂᏗᏢ ᏧᎾᏕᎶᏆᏍᏗ ᎠᏓᏁᎸᎢ ᎠᎴ ᎠᏂᎳᏍᏓᏢ ᎤᎾᏈᏴᎲᎢ, ᎾᏍᎩ ᏣᎳᎩ ᏗᏂᏘᏲᎢ Ꮭ ᎪᎱᏍᏗ ᏧᏂᎸᏫᏍᏓᏁᏗ ᏱᎨᏎᎢ ᎠᎴ ᎾᏍᎩ ᏣᎳᎩᎯ ᎠᏰᎵ Ꮭ ᎪᎱᏍᏗ ᏳᎾᏚᏓᎴᎢ ᎾᎾᎢ ᎬᏂᎨᏒ ᎢᏳᏅᏁᏗ ᎾᎾᏛᏁᎲᎢ ᎤᎿᎢ ᎠᏂᏴᏫᏯ ᏗᏂᏘᏲᎢ, ᎩᎳZ 1887 ᏧᏕᏘᏴᏌᏗᏍᏒ ᎾᎯᏳ ᏙᏌ ᎤᎵᏁᏨ ᎬᏂᎨᏒ ᏄᎵᏍᏔᏅᎩ ᎠᎴ ᎤᎾᏁᎸᏔᏅᎩ ᏧᏂᏲᏍᏙᏗ ᏓᏂᎳᏍᏓᏢ ᎠᏰᎵ ᏚᎾᏙᏢᏒᎢ.
ᎾᏍᎩ ᎾᎯᏳ 1890s ᏧᏚᏕᏘᏴᏌᏗᏍᏒ, ᎾᏍᎩ Curtis ᎤᎵᏁᏨ ᎤᏁᎸᎩ ᎠᏂᏴᏫᏯ ᏗᏂᏘᏲᎢ “ᏄᏂᎬᏫᏳᏌᏕᎩ ᎤᎾᏓᏅᏘᏗ” ᎾᏍᎩ ᎠᏰᎵ ᏂᏚᏅᏅᎢ, ᎠᎴ ᎠᏂᏐᎢ ᏚᏂᎳᏍᏓᏢᎢ’, ᏧᎾᏕᎶᏆᏍᏗ ᏂᏚᏍᏗᏓᏅᎢ. ᎾᎯᏳ 1901 ᏧᏕᏘᏴᏌᏗᏍᏒ, ᎾᏍᎩ ᏣᎳᎩᎯ ᎠᏰᎵ ᏗᏂᎳᏫᎩ ᎠᎴ ᎾᏍᎩ ᏙᏌ ᎠᏂᎧᎻᏌᏂ “ᏚᎾᏓᏂᎸᏨᎯ ᎾᎢ ᏚᎾᏓᏁᏤᎸᎢ” ᎾᏍᎩ ᏚᏄᎪᏔᏅᎩ ᎾᏍᎩ ᏧᎾᏓᏂᏯᏛ ᏄᏍᏗᏗᏒᎢ ᎠᎴ ᎾᏍᎩ ᎤᎾᏓᏂᏯᏛ ᎠᏕᎳ ᎠᏓᏁᏜᏅᎢ.
ᏗᏍᏓᏩᏛᏍᏗ ᎾᎿᎢ ᏂᏚᏍᏛᎢ ᏚᏄᎪᏔᏅ ᎤᏂᏍᏚᏗᎢ ᎤᎾᏓᏂᏯᏛ ᏧᎾᎦᏎᏍᏙᏗ ᎠᏓᏁᎸᎢ ᎾᏳᎢ ᏧᎪᏅᎢ 1903 ᏧᏕᏘᏴᏌᏗᏍᏒ, 140 ᎢᏯᏂᎢ ᏗᏂᏲᏟ ᏧᏁᏅᏒ ᏄᏂᎲᎾ ᏄᎵᏍᏔᏅᎩ. ᏂᎦᏓ ᏚᏂᎧᎲᏒ ᏐᎢ ᏕᎪᏢᏒᎢ ᏫᏚᏂᎧᏅᎩ ᎾᏍᎩ ᏕᎨᎦᎦᏎᏍᏔᏅᎩ. ᏔᎵ ᎢᏱᏅᏓ ᎤᎶᏐᏅᎢ, ᎤᎾᏓᏂᏯᏛ ᏧᏂᎸᏫᏍᏓᏁᎯ ᎤᎾᏙᏢᎯᏌᏅᎩ ᎾᏍᎩ ᏣᎳᎩ ᎠᏌᎳᎻ ᏗᎨᏥᏍᏆᏂᎪᏙᏗᏱ ᎠᏓᏁᎸᎢ ᎤᏂᏍᏚᎢᏒᎢ ᎾᏍᎩ ᎤᎾᏓᏂᏯᏛᎢ.
ᎾᏳᎢ 1909 ᏧᏕᏘᏴᏌᏗᏍᏒ, ᎾᏍᎩ ᏩᏥᏂ ᎠᏰᎵ ᎤᏙᏢᏒᎢ ᎤᎩᏍᏒᎩ ᎠᎴ ᎾᏍᎩ ᎤᎾᏓᏂᏯᏛ ᎤᏂᏁᏟᏴᏒᎢ ᏚᏙᎥᎢ ᎾᏍᎩ ᏣᎳᎩ ᎤᎾᏓᏂᏴ ᏗᎨᎨᏲᏗ ᏧᎾᏕᎶᏆᏍᏗᎢ, ᎠᎴ ᎾᏍᎩ ᎠᏂᏴᏫᏯ ᏗᏂᏘᏲᎢ “ᎤᏔᏃᎯᏍᏔᏅ ᎾᏍᎩ ᎠᏍᏕᎵᏍᎩ ᏧᏂᎸᏫᏍᏓᏁᏗᎢ ᏗᎨᏲᏗᎢ ᎾᏍᎩ ᎤᏠᏯᏍᏗ ᎢᎬᎾᏕᎾ ᏬᎵᏍᏛᎩ ᏄᏍᏛ ᎤᏪᏅᏒ ᎠᎦᏙᎲᏍᏗ ᏄᏍᏗᏓᏅᎢ ᎠᎴ ᎦᏔᏅᎥᏍᎩ-ᎾᏏᎾᏒᎢ ᏧᎾᏕᎶᏆᏍᏗᎢ.”
Franklin ᏄᏑᏒᎩ ᎾᏍᎩ ᏧᎾᏕᎶᏆᏍᏗ ᏔᎵ ᎢᏳᏩᏘ ᎤᎶᏒᎯ ᏗᎦᏁᏟᏴᏓ ᏚᏙᎥᎢ, ᏏᏉᏲ ᎤᎾᏓᏂᏯᏛ ᏗᎨᏲᏗᎢ ᏧᎾᏕᎶᏆᏍᏗ ᎾᏳᎢ 1925 ᏧᏕᏘᏴᏌᏗᏍᏒ ᎠᎴ ᏏᏉᏲ ᏧᎾᏓᏕᏲᏗ ᏧᎾᏕᎶᏆᏍᏗ ᎾᏳᏃ 1945 ᏧᏕᏘᏴᏌᏗᏍᏒ, ᎾᎯᏳ ᏗᎾᏕᎶᏆᏍᎩ ᎠᏂᏐᎢ ᏓᏂᎳᏍᏓᏢ ᏂᏓᏳᎾᏓᎴᏅ ᎤᏓᎴᏅᎲ ᏓᎾᏕᎶᏆᏍᎬᎢ.ᏧᏩᎫᏔᏅᎯ ᎾᎾᎢ 1930 ᏧᏕᏘᏴᏌᏗᏍᏒ, ᎾᏍᎩ ᏗᏂᏲᏟ ᏣᏁᎵᏁᎢ ᏗᏂᏂᏙᎯ ᏭᎵᏍᏘ ᏓᏁᏲᎲᏍᎬᎢ. ᎾᏍᎩᏃ1934 ᏧᏕᏘᏴᏌᏗᏍᏒ ᎢᎬᏱ 12ᏏᏁ ᏗᏂᏂᏙᎯ ᏭᎵᏍᏗ ᏄᎵᏍᏔᏅᎩ.
ᏂᏛᏓᎴᏂᏍᎩ 1964 ᏧᏕᏘᏴᏌᏗᏍᏒ ᏭᎵᏍᏗ 2006 ᏧᏕᏘᏴᏌᏗᏍᏒ ᎾᏍᎩ ᏏᏉᏲ ᎦᎸᎳᏗ ᏧᎾᏕᎶᏆᏍᏗ ᏚᏙᏍᏛᎢ. ᎾᎯᏳ ᏣᎳᎩ ᎤᏂᏬᏂᏍᎯᏍᏗ ᏧᎾᏕᎶᏆᏍᏗ ᎬᏂᎨᏒ ᏄᏅᏁᎸᎩ ᎾᎾᎢ ᏧᎾᏕᎶᏆᏍᏗ ᏄᏍᏗᏓᏅᎢ ᏌᏊᎢ ᏄᎵᏍᏔᏅᎩ, ᏏᏲᏉ ᏧᎾᏕᎶᏆᏍᏗ ᏄᎵᏍᏔᏅᎩ, ᎾᏍᎩ ᏥᏄᏍᏗ ᏥᏚᏙᎠ ᎪᎯ ᎢᎦ.
– TRANSLATED BY JOHN ROSS